Guðrún Kristín Þórsdóttir er sjúkraliði, með BA-próf í sálarfræði og hugrænni atferlismeðferð og er hún jafnframt djákni og leiðsögumaður.

„Ég hef yfir 30 ára reynslu af því að leiða sjálfshjálparhópa og líka að halda námskeið um líðan og tilfinningar og hvernig sé hægt að takast á við lífið á jákvæðan hátt þó svo að aðstæður séu erfiðar og kannski hörmulegar í sumum tilvikum.“

Eiginmaður Guðrúnar Kristínar greindist með Alzheimer fyrir nokkuð mörgum árum. Guðrún og Kristný Rós Gústafsdóttir, sem einnig er djákni, komu á kynningarfundi í Áskirkju haustið 2013 fyrir aðstandendur minnissjúkra. Rúmlega 50 manns mættu á fundinn og var ákveðið að mynda stuðningshópa sem myndu hittast vikulega í kirkjunni að kvöldi til. 

„Starfsmenn Áskirkju voru svo vinsamlegir að lána okkur safnaðarsalinn á neðri hæðinni. Aftur á móti urðum við húsnæðislaus haustið 2015 og því var leitað til Alzheimer-samtakanna um aðstöðu. Það varð að samkomulagi að við fengum inni í …