„Ætlar hún næst að biðjast afsökunar á að láta ofbeldismann leiða listann í Norðvesturkjördæmi?“ Þannig spyr Sóley Tómsdóttir, fyrrverandi forseti borgarstjórnar og oddviti Vinstri grænna í Reykjavík, í færslu á Twitter þar sem hún deilir frétt um að Inga Sæland, formaður Flokks fólksins, hafi beðist afsökunar á notkun ljósmyndar af listaverkinu Sólfarinu á haustþingi flokksins í lok september.
Sá sem leiðir listann í Norðvesturkjördæmi er Magnús Þór Hafsteinsson, ritstjóri héraðsblaðsins Vesturlands. Nýlega steig sambýliskona Magnúsar til margra ára, Ragnheiður Runólfsdóttir, fram í viðtali við Akureyri vikublað og sagðist hafa verið í ofbeldissambandi um árabil og þurft að leita til Kvennaathvarfsins.
Magnús Þór tjáði sig um málið í viðtali á Útvarpi Sögu á dögunum. „Ég átta mig náttúrulega strax á því að hér er verið að tala um mig eða samband okkar,“ sagði hann og þvertók fyrir að hafa beitt Ragnheiði ofbeldi. Þá kvartaði hann undan því að verið væri að hafa af sér æruna með ómaklegum hætti. Í þættinum var rætt um þann möguleika að setja á fót sérstakan dómstól til að taka á „netníði“.
Sóley tjáði sig um mál Ragnheiðar þegar hún steig fram fyrr í mánuðinum. „Ein af fyrirmyndum minnar kynslóðar segir frá því sem á daga hennar hefur drifið. Sterk og mögnuð, þrátt fyrir ofbeldið sem hún hefur orðið fyrir,“ skrifaði Sóley á Facebook. „Fyrrverandi maðurinn hennar er aftur á móti á fullu í kosningabaráttu sem oddviti Flokks fólksins í NV-kjördæmi. Sennilega fullviss um að hann muni reynast verðugur til að gæta hagsmuna almennings.“
Stjórnmálaflokkar
Guðmundur Andri sammála nálgun Guðjóns í máli Þórhildar Sunnu
Fóru í boðsferð til Krímskaga á Pútínráðstefnu
Áhrifafólk í Pírötum fordæmir „opinbera aðför“ gegn Birgittu Jónsdóttur
Sjálfstæðismenn ætla að ganga um með buff merkt flokknum
Fékk kökk í hálsinn: „Þetta var þá ekki allt saman bara í hausnum mér“
Athugasemdir