Sveinn Eyjólfur Matth­í­as­son, sem starf­aði sem verk­efna­stjóri hjá Kynn­is­ferðum um ára­bil, segir að fyrr­ver­andi stjórn­ar­for­maður og fram­kvæmda­stjóri fyr­ir­tæk­is­ins hafi beitt sig þrýst­ingi í máli Hjalta Sig­ur­jóns Hauks­sonar, dæmds kyn­ferð­is­brota­manns sem fékk upp­reist æru í fyrra. 

Kynn­is­ferðir eru meðal ann­ars í eigu for­eldra, föð­ur­bróður, systk­ina og frændsystk­ina Bjarna Bene­dikts­sonar for­sæt­is­ráð­herra. 

Athygli hefur vakið að Benedikt Sveins­son, faðir Bjarna og einn af eig­endum Kynn­is­ferða, skrif­aði með­mæli fyrir Hjalta Sigurjón. Samkvæmt heim­ildum Stund­ar­innar hafa þeir Benedikt þekkst í mörg ár og héldu sam­bandi eftir að Hjalti var dæmdur fyrir gróf og ítrekuð kyn­ferð­is­brot gegn stjúp­dóttur sinni.

Hjalta var sagt upp störfum sem bif­reiða­stjóri hjá Kynn­is­ferðum árið 2013 eftir að umræða vakn­aði um að hann hefði hlotið dóm fyrir barn­a­níð.

„Þáver­andi fram­kvæmda­stjóri fór í kjöl­farið fram á það við mig að hann yrði end­ur­ráð­inn. Þeim fyr­ir­mælum neit­aði ég að fylgja,“ segir í yfir­lýs­ingu sem Sveinn Eyjólfur sendi fjöl­miðlum rétt í þessu. 

Þá kemur fram að síðar hafi fram­kvæmda­stjór­inn spurt Svein Eyjólf og aðra starfs­menn „hvort ekki væri eitt­hvað sem [þeir gætu] gert fyrir Hjalta Sigurjón“ en þeir ekki talið það ráð­legt. Í kjöl­farið hafi þáver­andi stjórn­ar­for­maður fyr­ir­tæk­is­ins farið þess á leit við Svein að hann skrif­aði með­mæla­bréf fyrir Hjalta.

Sveinn seg­ist ekki hafa orðið við því, en síðar hafi Hjalti sjálfur komið til sín með til­búið bréf um að hann væri stund­vís og góður bíl­stjóri. „Þetta stutta með­mæla­bréf var sann­leik­anum sam­kvæmt. Sökum þess þrýst­ings sem ég hafði verið beittur af yfir­mönnum mín mínum skrif­aði ég undir það,“ segir í yfir­lýs­ingu Sveins Eyjólfs.

„Það bréf var ætlað til stuðn­ings umsóknar hans um starf hjá olíu­dreif­ing­ar­fyr­ir­tæki og lof­aði hann því að bréfið yrði ekki notað til umsóknar um önnur störf. Afrit af með­mæla­bréf­inu sem Hjalti Sigurjón skil­aði inn vegna umsóknar sinnar um upp­reist æru barst mér ekki fyrr en laug­ar­dag­inn 16. sept­em­ber s.l. frá ráðu­neytsi­stjóra dóms­mála­ráðu­neyts­ins. Ég rit­aði ekki undir það með­mæla­bréf og kann­ast ekki við þá umsögn sem mér er ætluð.“