Þórarinn G. Pét­urs­son, aðal­hag­fræð­ingur Seðla­banka Íslands, telur ekki skyn­sam­legt að taka upp mynt­ráð í stað núver­andi fyr­ir­komu­lags í geng­is­málum. Þetta sagði hann í við­tali í Spegl­inum í kvöld, en mynt­ráð var eitt helsta kosn­inga­lof­orð Við­reisnar í efna­hags­málum fyrir síð­ustu kosn­ingar. Flokk­ur­inn fer nú með fjár­mála­ráðu­neytið en samið var um það þegar rík­is­stjórnin var mynduð að mál­efni Seðla­bank­ans yrðu færð til for­sæt­is­ráðu­neyt­is­ins.

Í mynt­ráðs­fyr­ir­komu­lagi felst að einn gjald­mið­ill er tengdur við annan með þeim hætti að stjórn­völd skuld­binda sig til þess að skipta inn­lendum gjald­miðli út fyrir kjölfestu­gjald­miðil, svo sem evru, á fyr­ir­fram ákveðnu gengi. 

Fram kom í við­tal­inu við Þórarin að slík ein­hliða fast­geng­is­stefna myndi aldrei geta komið í veg fyrir sveiflur á raun­gengi og vöxtum. „Einhliða fast­geng­is­stefna eins og velt hefur verið upp und­an­farið held ég að sé ekki skyn­sam­leg lausn ef mynt­banda­lags­val­kost­ur­inn er ekki fyrir hendi,“ segir hann og bendir á að raun­geng­is­sveiflur þekk­ist í löndum sem búa við mynt­ráð. „Það er ekki til neitt fyr­ir­komu­lag pen­inga­mála sem mun láta svona sveiflur hverfa.“

Í skýrslu Efnahags- og fram­fara­stofn­un­ar­innar um efna­hags­að­stæður á Íslandi sem kom út í lok júní voru Íslend­ingar hvattir til að halda sig við núver­andi geng­is­fyr­ir­komu­lag í stað þess að binda krón­una við annan gjald­miðil. Fram kom að fast­geng­is­stefna myndi draga úr sjálf­ræði Íslend­inga á sviði pen­inga­mála og skapa aukna þörf fyrir sveiflu­jafn­andi rík­is­fjár­mála­stefnu til að tryggja stöð­ug­leika. Reynslan sýndi að Íslend­ingum hefði ekki alltaf gengið vel að sporna við ofhitnun hag­kerf­is­ins með stjórn­tækjum rík­is­fjár­mál­anna. Bent var á að bind­ing gjald­mið­ils­ins við aðra mynt gæti gert Ísland ber­skjald­aðra fyrir spá­kaup­mennsku­árásum og jafn­vel kallað á end­ur­upp­töku fjár­magns­hafta til að verja hag­kerfið fyrir slíku. Raunar væri eng­inn gjald­mið­ill í boði sem hent­aði sér­stak­lega vel sem akk­eri fyrir krón­una. 

OECD telur að það væri mun æski­legra fyrir Íslend­inga að ger­ast aðilar mynt­sam­starfi, svo sem í gegnum Evr­ópu­sam­bandið, en slíkt krefj­ist þess að póli­tískur vilji sé fyrir því á Íslandi.

Sú staða er hins vegar ekki uppi í dag, enda var samið um það við myndun núver­andi rík­is­stjórnar að stjórn­ar­meiri­hlut­inn, þar á meðal þing­menn Við­reisnar og Bjartrar fram­tíðar, muni hindra að boðað verði til þjóð­ar­at­kvæða­greiðslu um fram­hald aðild­ar­við­ræðna við Evr­ópu­sam­bandið allt fram til loka kjör­tíma­bils­ins.