Rannsóknarskýrslan um plastbarkamálið frestast

Rann­sókn­ar­skýrslan sem Land­spít­ali – háskóla­sjúkra­hús og Háskóli Íslands láta vinna um um plast­barka­málið svo­kall­aða, skurð­að­gerðir ítalska lækn­is­ins Paulo Macchiarins, frest­ast um óákveð­inn tíma en til stóð að skýrslan yrði kynnt í vor. Þetta kemur fram í svari frá Land­spít­al­anum við fyr­ir­spurn Stund­ar­innar um málið. Í svar­inu segir að ástæður frest­un­ar­innar séu „ófyr­ir­séðar aðstæður“ sem komið hafi upp við vinnu skýrsl­unnar. Í nefnd­inni sitja Páll Hreins­son hæsta­rétt­ar­dóm­ari og lækn­arnir María Sig­ur­jóns­dóttir og Georg Bjarna­son.

Í skýrsl­unni á að fjalla um íslenska anga plast­barka­máls­ins og aðkomu Land­spít­al­ans og Háskóla Íslands að því. Fyrsti sjúk­ling­ur­inn sem Paulo Macchiarini græddi plast­barka í árið 2011 var Erít­reu­mað­ur­inn Andemariam Beyene sem búsettur var á Íslandi. Íslenskur læknir Andemari­ams á Land­spít­al­anum, Tómas Guð­bjarts­son, leit­aði aðstoðar lækna á Karol­inska-sjúkra­hús­inu í Stokk­hólmi vegna veik­inda Erít­reu­manns­ins en hann var með krabba­mein í hálsi sem ekki var talið skurð­tækt. 

Í fram­hald­inu kom Paulo Macchiarini að til­felli Andemari­ams og úr …