Takmarka aðgang Ólafs að rekstri Neytendasamtakanna: „Ekki lengur starfsmaður skrifstofu“

Stjórn Neyt­enda­sam­tak­anna gagn­rýnir harð­lega fram­göngu Ólafs Arn­ar­sonar, for­manns sam­tak­anna, „óhóf­leg útgjöld“ hans og þrá­setu á for­manns­stóli þrátt fyrir van­traust. 

„Ljóst er að fara þarf í aðgerðir til að bjarga sam­tök­unum og er það mat bæði stjórnar og starfs­manna og að slíkt verði ekki gert með for­mann­inn inn­an­borðs. Stjórn hefur nú þegar gripið til aðgerða til að tak­marka aðgang for­manns að dag­legum rekstri. Hann er ekki lengur starfs­maður skrif­stofu og hefur ekki heim­ildir til að skuld­binda sam­tökin né að efna til nokk­urra útgjalda af hálfu þeirra,“ segir í til­kynn­ingu frá stjórn­inni á vef sam­tak­anna.

Eins og greint hefur verið frá í fjöl­miðlum hefur öllu starfs­fólki Neyt­enda­sam­tak­anna verið sagt upp í ljósi alvar­legrar fjár­hags­stöðu sam­tak­anna. „Þessi staða er að mestu leyti til­komin vegns óhóf­legra útgjalda sem for­maður sam­tak­anna, Ólafur Arnarson, hefur efnt til án aðkomu stjórnar,“ segir í til­kynn­ing­unni.

„Þegar stjórn varð ljóst hver staðan var lýsti hún yfir van­trausti á for­mann­inn og skor­aði á hann að stíga til hliðar. Þá hefur starfs­fólk sam­tak­anna einnig lýst yfir van­trausti á for­mann og biðlað til hans að segja af sér. Þrátt fyrir að for­manni hafi verið gerð grein fyrir alvar­leika máls­ins, sem hann ber að miklu leyti ábyrgð á, situr hann sem fast­ast. Stjórn og starfs­fólk vinnur sam­hent að því að koma Neyt­enda­sam­tök­unum aftur á réttan kjöl enda er mik­il­vægi þeirra fyrir þjóð­fé­lagið óum­deilt.“