Bandarískir alríkisfulltrúar gerðu húsleit á heimili Ilhan Omar, þingkonu demókrata, í Washington í dag vegna sakamálarannsóknar, að sögn bandarískra fjölmiðla. Húsleitin markar verulega stigmögnun í átökum Donalds Trumps forseta við þingkonuna, sem hefur gagnrýnt hann harðlega.

Fulltrúar Homeland Security Investigations (HSI), rannsóknardeildar bandarískra innflytjendayfirvalda, framkvæmdu húsleitina, samkvæmt frétt Fox News sem byggir á heimildum fólks sem þekkir til málsins. Þrjár vikur eru til þingkosninga þar sem úrslitin munu ráða því hvor flokkurinn fer með meirihluta á Bandaríkjaþingi.

Fox News greindi frá því að húsleitin tengdist sakamálarannsókn á mögulegum svikum við gerð gagna vegna umsóknar í innflytjendamálum sem látinn faðir Omar, sem fæddist í Sómalíu, lagði fram fyrir hennar hönd þegar hún var barn.

Bandarískir fjölmiðlar höfðu eftir dómsmálaráðuneyti Bandaríkjanna að fulltrúar hefðu gert húsleit með heimild dómstóls á Washington-svæðinu. Embættismenn nefndu þó ekki Omar og greindu ekki frá því hvers eðlis rannsóknin væri.

„Í dag framkvæmdi Homeland Security Investigations …