Björn Ingi Hrafnsson, aðstoðarmaður formanns Miðflokksins, segir niðurstöðu kosninganna ekki góða fyrir ríkisstjórnina, þá sérstaklega eftir gengi hennar í síðustu sveitarstjórnarkosningum. Hann telur að málinu sé ekki lokið.
„Ég held að næstu dagar eigi eftir að verða súrir og skrýtnir í pólitíkinni, en það var alveg fyrirséð,“ segir Björn Ingi Hrafnsson, aðstoðarmaður formanns Miðflokksins, Sigmundar Davíðs Gunnlaugssonar, þegar Heimildin ræddi við hann skömmu eftir að fyrstu tölur úr Suðurkjördæmi voru tilkynntar. Þar var nei-ið ofan á og gaf tóninn fyrir það sem átti eftir að gerast síðar, sem er að nei-sinnar sigruðu þjóðaratkvæðagreiðsluna.
„Ég held að það hafi gengið ágætlega,“ svarar Björn Ingi spurður um það hvernig hann telji baráttuna hafa þróast. „Ég held að það sé stígandi í því, þegar fólk fór svona að pæla meira í þessu, en þetta er náttúrulega skrýtinn tími, í lok sumars.“
Athugasemdir (3)