Alþjóðlegur hópur vísindamanna siglir í dag frá Bretlandi til Grænlands til að rannsaka hraða bráðnun íssins þar með drónum, litlum kafbátum og sjálfstýrðum sundvélmennum.

Íshella Grænlands, sem samanstendur af milljónum rúmkílómetra af ferskvatni, bráðnar hratt vegna hlýnunar jarðar og vísindamenn telja að það gæti raskað mikilvægum hafstraumum í Atlantshafi sem stjórna veðurfari heimsins.

Vegna hættulegra aðstæðna, þar sem ísjakar „kelfa“ eða brotna af á ófyrirsjáanlegan hátt, hefur vísindamönnum reynst erfitt að rannsaka bráðnunina af návígi.

Nota hátækni og sjávarvélmenni

Heimskautarannsóknaskipið RRS Sir David Attenborough, nefnt eftir hinum fræga breska náttúrufræðingi og sjónvarpsmanni, lagði úr höfn í Harwich í suðausturhluta landsins með tugi alþjóðlegra vísindamanna um borð.

Verkefnið, sem kostar 20 milljónir punda og er undir forystu bresku heimskautarannsóknastofnunarinnar, er fjármagnað af breskum stjórnvöldum.

Í um fimm vikur munu vísindamennirnir sigla um firði sem liggja meðfram suðausturströnd Grænlands og rannsaka jökla frá öllum …