Katrín Oddsdóttir, lögmaður hjá Rétti, fer fram á það við atvinnuvegaráðuneytið að það ógildi hvalveiðileyfi sem Bjarni Benediktsson gaf út í ljósi vanhæfis hans. Þá fer hún fram á það við Umboðsmann Alþingis að embættið taki málið til frumkvæðisrannsóknar.

Katrín hefur gætt hagsmuna Náttúruverndarsamtaka Íslands í málinu en samtökin leituðu til Umboðsmanns Alþingis fljótlega eftir að Bjarni hafði rétt eftir kosningar haustið 2024, sem starfandi matvælaráðherra í starfstjórn, veitt tveimur fyrirtækjum leyfi til hvalveiða.

Annað þeirra var Hvalur hf. en eftir að umsókn fyrirtækisins var send inn taldi Bjarni sig vera vanhæfan til að fjalla um málið vegna hagsmuna venslamanns og hugðist víkja við afgreiðslu þess. Ekki kom fram á þessum tíma hver þessi venslamaður væri.

Tveimur vikum síðar upplýsti hann ráðuneytisstjóra um að ástæður vanhæfis hans væru ekki lengur fyrir hendi og ákvað að veita leyfin. Sjálfstæðisflokkurinn hafði þá fengið sína verstu niðurstöðu í kosningum frá upphafi og Bjarni …