Páll Steingrímsson skipstjóri krafðist milljóna í miskabætur vegna meintra brota starfsmanna RÚV gegn friðhelgi hans en hafði ekki erindi sem erfiði. Héraðsdómur Reykjavíkur sýknaði Ríkisútvarpið og Þóru Arnórsdóttur, fyrrverandi ritstjóra Kveiks, af öllum kröfum skipstjórans.

Með málið til rannsóknar í þrjú ár

Málið má rekja til umfjöllunar Stundarinnar og Kjarnans, forvera Heimildarinnar, um hóp fólks sem starfaði fyrir Samherja og kallaði sig skæruliðadeildina. Hópurinn lagði á ráðin um hvernig hægt væri að hafa áhrif á málsmeðferð yfirvalda vegna mútugreiðslna Samherja í Namibíu og almenningsálitið, meðal annars með því að vega að æru uppljóstrara og blaðamanna.

Í kjölfarið leitaði Páll til lögreglu vegna brota gegn friðhelgi einkalífs.

Lögreglan á Norðurlandi eystra hóf rannsókn á málinu í maí 2021. Sex blaðamenn fengu stöðu sakbornings. Blaðamennirnir störfuðu á Stundinni, Kjarnanum og RÚV. Í þrjú ár voru blaðamennirnir með stöðu sakbornings, þar til rannsókn málsins var hætt.

Lögreglan taldi ekki hægt að sanna …