Varnarmálaráðherra Þýskalands segir að brottflutningur bandarískra hermanna frá Þýskalandi hafi verið viðbúinn og að Evrópa þyrfti að gera meira til að tryggja eigið öryggi.

„Það var viðbúið að bandarískir hermenn myndu hörfa frá Evrópu og einnig frá Þýskalandi,“ sagði Boris Pistorius í yfirlýsingu sem ráðuneyti hans sendi til AFP. „Við Evrópubúar verðum að axla meiri ábyrgð á öryggi okkar,“ bætti hann við.

Bandaríska varnarmálaráðuneytið tilkynnti á föstudag um brottflutning um 5.000 hermanna frá Þýskalandi á næsta ári, sem er nýjasta birtingarmynd ágreinings ríkja beggja vegna Atlantshafsins vegna stríðsins í Miðausturlöndum.

Þetta gerðist um leið og Donald Trump, forseti Bandaríkjanna, tilkynnti að tollar á bíla og vörubíla frá Evrópusambandinu myndu hækka í 25 prósent í næstu viku og sakaði sambandið um að fara ekki að viðskiptasamningi sem undirritaður var síðasta sumar.

Trump hefur gagnrýnt Friedrich Merz, kanslara Þýskalands, sem sagði á mánudag að Íran væri að „auðmýkja“ stjórnvöld í Washington …