Íslenska hugbúnaðarfyrirtækið Stratis hefur fengið fjármagn frá eistneska fjárfestingasjóðnum Darkstar sem sérhæfir sig í varnar- og hernaðarmálum. Hugbúnaðurinn hefur verið notaður í drónahernað Úkraínuhers gegn innrás Rússa.

Haukur Már Helgason rithöfundur vekur athygli á þessu í grein í Dagfara, tímariti Samtaka hernaðarandstæðina, og í greinum á vefsíðu sinni þar sem Smári McCarthy, annar stofnenda Stratis, svarar einnig spurningum hans um verkefni þess. Telst það til nokkurra tíðinda að íslenskt fyrirtæki framleiði hergögn.

Hinn stofnandinn er Ingvar Helgason, en í viðtali við hann í miðlinum Resilience Media, sem sérhæfir sig í umfjöllunum um varnar- og hernaðarmál, er Stratis kallað „dularfullt íslenskt nýsköpunarfyrirtæki“ sem byggir „Palantir fyrir Evrópu“. Palantir er bandarískt hugbúnaðarfyrirtæki sem stjórnað er af milljarðamæringuum Peter Thiel og Alex Karp og hannar hugbúnað fyrir njósna- og hernaðarstarfsemi sem hefur meðal annars verið notaður af Ísraelsher í Gaza.

Í viðtalinu gerir Ingvar lítið úr þessari samlíkingu. „Þetta er ekki …