N

anna Margrét Gunn­laugs­dóttir, þing­kona Mið­flokks­ins, sagð­ist á þingi í morgun vera „ánægð og í raun og veru stolt“ yfir því að þing­flokkur Mið­flokks­ins hefði ekki und­ir­ritað siða­reglur þing­manna.

Þetta sagði hún eftir að Ása Berglind Hjálm­ars­dóttir, þing­kona Sam­fylk­ingar, vakti athygli á því að heill þing­flokkur hefði valið að und­ir­rita ekki siða­reglur þing­manna, í ræðu undir liðnum störf þings­ins í morgun. 

Rækja skyldurÁsa Berglind sagði í ræðu sinni að þó að ekki væri skylda að und­ir­gang­ast siða­reglur þings­ins, þá væri skylda fyrir þing­menn að mæta í vinn­una.

Mynd: Heiða Helga­dóttir

Ása Berglind benti í ræðu sinni á að þing­mönnum bæri ekki skylda til að und­ir­rita siða­reglur, en að einn þing­flokkur hefði ákveðið að gera það ekki. En hún gagn­rýndi á sama tíma að margir þing­menn sinntu ekki þeirri laga­skyldu að mæta á þing­fundi og nefnd­ar­fundi. 

„Hins vegar er þing­mönnum skylt að sækja alla þing­fundi nema nauð­syn banni, þar á meðal nefnd­ar­fundi. Það hefur vakið athygli mína […] hversu frjáls­lega margir þing­menn í þess­ari virðu­legu stofnun líta fram hjá þeirri skyldu sinni, sér­stak­lega í nefnd­unum.“

Hún hvatti síðan þing­menn til að líta í eigin barm og sýna starf­inu virð­ingu. „Með því að rækja skyldur okkar, koma fram af virð­ingu við hvert annað og ekki síst fólkið í land­inu.“

Þegar Nanna Margrét steig í pontu nokkru síðar brást hún beint við þessum orðum og stað­festi að Mið­flokk­ur­inn væri umræddur þing­flokkur, sem ekki hefði skrifað undir siða­regl­urnar. 

„Ég get upp­lýst um að það er þing­flokkur Mið­flokks­ins og mikið var ég ánægð og í raun og veru stolt í þess­ari viku að við hefðum ekki und­ir­ritað þessar siða­reglur og ég mun ekki und­ir­rita þær á mínu kjör­tíma­bili hér,“ sagði þing­konan. 

Nanna Margrét sagði siða­regl­urnar vera póli­tískt tæki. „Vegna þess að ég held að það hafi bara allir séð í lið­inni viku að þetta er tæki fyrir meiri hlut­ann til að berja á minni hlut­anum. Það er það sem siða­regl­urnar eru, ekk­ert annað.“