ESB rannsakar Google fyrir að halda niðri fréttamiðlum

Evr­ópu­sam­bandið hóf í dag nýja rann­sókn á Google vegna gruns um að banda­ríski ris­inn ýti frétta­miðlum neðar í leit­ar­nið­ur­stöðum. Þetta gerir ESB þrátt fyrir hót­anir um hefnd­ar­að­gerðir frá Donald Trump, for­seta Banda­ríkj­anna.

Fram­kvæmda­stjórn Evr­ópu­sam­bands­ins sagði að Google lækk­aði vef­síður og efni fjöl­miðla­út­gef­enda í leit­ar­nið­ur­stöðum þegar þær inni­halda kost­aðar rit­stjórn­ar­greinar.

„Við höfum áhyggjur af því að stefna Google leyfi ekki að komið sé fram við frétta­út­gef­endur á sann­gjarnan, eðli­legan og jafnan hátt í leit­ar­nið­ur­stöðum,“ sagði Teresa Ribera, yfir­maður sam­keppn­is­mála hjá ESB.

„Við munum rann­saka málið til að tryggja að frétta­út­gef­endur verði ekki af mik­il­vægum tekjum á erf­iðum tímum fyrir grein­ina,“ sagði Ribera.

Rann­sóknin, sem byggir á sam­keppn­is­reglum ESB fyrir netið, þekktum sem lög um staf­ræna mark­aði (DMA), kemur í kjöl­far þess að Trump var­aði við því fyrr á árinu að hann myndi leggja tolla á lönd sem hann sakar um að beina spjótum sínum að banda­rískum tækni­fyr­ir­tækjum.

Hin víð­tæku lög ESB miða að því að halda aftur af stærstu tækni­fyr­ir­tækjum heims með því að neyða þau til að opna fyrir sam­keppni innan 27 ríkja sam­bands­ins.

Google gagn­rýndi rann­sókn­ina og kall­aði hana „vill­andi“ og „til­efn­is­lausa“ og varði stefnu leit­ar­vél­ar­innar sem nauð­syn­lega til að vernda not­endur fyrir rusl­pósti.

„Þessi óvænta nýja rann­sókn á á hættu að umb­una slæmum aðilum og rýra gæði leit­ar­nið­ur­staðna,“ sagði Pandu Nayak, yfir­vís­inda­maður hjá Google Search, í blogg­færslu.

Forðast ruslkenndar leitarniðurstöður

ESB mun rann­saka hvort rusl­pósts­stefna Google sé sann­gjörn og gagnsæ fyrir útgef­endur, þótt aðgerðin í heild sinni sé ekki dregin í efa.

„Þessi stefna virð­ist hafa bein áhrif á algenga og lög­mæta leið útgef­enda til að afla tekna af vef­síðum sínum og efni,“ sagði fram­kvæmda­stjórnin.

Ótti ESB er sá að til­raunir Google til að vernda not­endur fyrir rusl­pósti gætu haft áhrif á „frelsi útgef­enda til að stunda lög­mæta við­skipti“ á erf­iðum tímum fyrir frétta­miðla, þar sem aug­lýs­inga­tekjur hafa dreg­ist saman og margir not­endur kjósa mynd­bandsefni.

Þótt Brussel telji að útgef­endur hafi tapað tekjum vegna stefn­unnar, hafði sam­bandið ekki tölur til að útskýra hversu mikið og vildi ekki tjá sig um hvaða fjöl­miðla væri um að ræða.

Google sagð­ist leit­ast við að vernda not­endur fyrir hætt­unni á því að rusl­póst­sendendur nýti sér góða stöðu útgáfu­miðla til að blekkja þá til að smella á lélegt efni.

Fram­kvæmda­stjórnin sagð­ist stefna að því að ljúka rann­sókn­inni innan 12 mán­aða.

Google í sigti ESB

Google sætir þegar miklu eft­ir­liti frá eft­ir­lits­stofn­unum ESB.

ESB sektaði Google um 2,95 millj­arða evra í sept­em­ber, sem leiddi til harðra við­bragða frá Trump og frek­ari tolla­hót­ana.

Brussel sak­aði Google einnig um að hygla eigin þjón­ustu fram yfir þjón­ustu keppi­nauta sem hluta af rann­sókn sam­kvæmt lögum um staf­ræna mark­aði sem hófst í mars 2024.

Á sama tíma sagði sam­bandið að Google Play-app­versl­unin kæmi í veg fyrir að for­rit­arar gætu beint við­skipta­vinum utan versl­un­ar­innar til að fá aðgang að ódýr­ari til­boðum.

Ef brot á lögum um staf­ræna mark­aði eru stað­fest, veita lögin ESB vald til að leggja á sektir sem nema allt að 10 pró­sentum af heild­ar­veltu fyr­ir­tækis á heims­vísu.

Þetta getur hækkað í allt að 20 pró­sent fyrir end­ur­tekin brot.