Keppinautur Erdogans sakaður um allt mögulegt

Tyrk­neskir sak­sókn­arar ákærðu á þriðju­dag fang­els­aðan borg­ar­stjóra Istanbúl, Ekrem Imamoglu, fyrir 142 brot í gríð­ar­stóru dóms­máli sem gæti leitt til meira en 2.000 ára fang­els­is­dóms, sam­kvæmt dóm­skjölum.

Imamoglu er helsti póli­tíski and­stæð­ingur Recep Tayyip Erdogan for­seta og er tal­inn eini stjórn­mála­mað­ur­inn sem getur sigrað hann í kosn­ingum. Handtaka hans í mars leiddi til verstu götu­ó­eirða í Tyrk­landi síðan 2013. Tyrkland er banda­lags­ríki Íslands í Norður-atl­ants­hafs­banda­lag­inu (Nato), en undir for­set­anum Erdogan hefur molnað undan lýð­ræði í land­inu.

Í tæp­lega 4.000 blað­síðna ákæru­skjali var þessi borg­ar­stjór­inn vin­sæli ákærður fyrir fjölda brota, þar á meðal að stýra glæpa­sam­tökum, mútur, fjár­drátt, pen­inga­þvætti, fjár­kúgun og svindl í útboðum.

Rík­is­frétta­stofan Anadolu sagði að ákær­urnar gætu leitt til allt að 2.430 ára fang­els­is­dóms.

Formaður helsta stjórn­ar­and­stöðu­flokks Tyrk­lands, CHP, gagn­rýndi ákæruna harð­lega og sagði hana aug­ljóst dæmi um „afskipti dóm­stóla“ sem mið­uðu að því að koma í veg fyrir að Imamoglu byði sig fram sem for­seta­efni þeirra í for­seta­kosn­ing­unum 2028.

„Þetta mál er ekki lög­legt, það er algjör­lega póli­tískt. Til­gangur þess er að stöðva CHP, sem varð efstur í síð­ustu (sveit­ar­stjórnar)kosn­ingum, og að hindra for­seta­fram­bjóð­anda flokks­ins,“ skrif­aði Ozgur Ozel á X.

Ákæran var lögð fram í dag  og verður dag­setn­ing rétt­ar­halds ákveðin síðar.

Imamoglu, sem var borg­ar­stjóri stærstu og rík­ustu borgar Tyrk­lands þar til hann var hand­tek­inn, stendur frammi fyrir fjölda ásak­ana – þar á meðal um njósnir og fölsun á háskóla­próf­skír­teini sínu – sem gætu komið í veg fyrir að hann geti boðið sig fram í for­seta­kosn­ing­unum 2028.

Samkvæmt ákærunni, þar sem 402 grun­aðir eru nafn­greindir, er Imamoglu sagður hafa stýrt víð­feðmu glæpa­neti þar sem hann beitti áhrifum sínum „eins og kol­krabbi“.

„Kosningasvindlari?“

Áður en ákæran var birt hafði Ozel, for­maður CHP, for­dæmt umfang ásakan­anna.

„Getur ein­hver verið bæði kosn­inga­svindl­ari, með falsað próf­skír­teini, og verið þjófur, hryðju­verka­maður og njósn­ari á sama tíma?“ spurði hann.

„Ef þú ásak­aðir sak­lausan mann um aðeins einn af þessum glæpum væri það mikið órétt­læti. En þegar þú skellir þeim öllum á einn mann er það stór­glæpur ... En eini glæpur hans er að bjóða sig fram til for­seta þessa lands!“

Sak­sókn­arar sögðu einnig að þeir hefðu lagt fram skjöl til hæsta­réttar Tyrk­lands gegn CHP í því sem álits­gjafar sögðu að gæti rutt braut­ina fyrir lokun flokks­ins.

Í sér­stakri yfir­lýs­ingu stað­festi sak­sókn­ara­emb­ættið að það hefði upp­lýst dóm­stól­inn um ákveðin óreglu­mál en neit­aði fréttum um að það væri að reyna að láta loka flokknum.

CHP hefur verið undir vax­andi þrýst­ingi síðan flokk­ur­inn náði yfir­ráðum yfir stærstu borgum Tyrk­lands í sveit­ar­stjórn­ar­kosn­ingum í mars 2024.

Síðan þá hafa 16 borg­ar­stjórar flokks­ins verið fang­els­aðir.

Í októ­ber vís­aði dóm­stóll í Ankara frá máli þar sem lög­mæti nið­ur­staðna for­ystu­kosn­inga flokks­ins árið 2023 var véfengt og sagði að engin laga­stoð væri fyrir því að víkja núver­andi for­ystu úr emb­ætti.

Þessi ákvörðun hefði getað komið Ozel frá völdum, en hann stendur sjálfur frammi fyrir fjölda mála­ferla, þar á meðal einu fyrir að móðga for­set­ann.