Það er eitt aðdá­un­ar­vert sem toppar alltaf þekk­ingu, greind og jafn­vel snilld: Skiln­ings­leysið.“ Hér er ein af mörgum áhuga­verðum til­vís­unum Hervé Le Tellier í hinni marg­slungnu skáld­sögu L‘Anomalie (Frávik), sem kom út árið 2020 og náði strax mik­illi hylli. Bókin hefur verið þýdd á nær 50 tungu­mál, en ein­hverra hluta vegna hefur hann ekki enn verið gef­inn út á íslensku.

Þetta er þriðja heim­sókn Le Telliers til Íslands, en í fyrsta skipti sem hann kemur á bók­mennta­há­tíð. Þó ég sé staddur í París sendi ég honum hina bestu strauma um góðar mót­tökur á Íslandi. Spyr hann fyrst hvort svona lista­há­tíðir skipti máli fyrir hann sem lista­mann eða hvort hann fari ein­fald­lega af skyldu­rækni?

„Nei, þetta er mik­il­vægur við­komu­staður fyrir mig. Ísland er lítið land, en með stóra lista­sögu, þannig að mig lang­aði mikið að koma og taka þátt. Auk þess tók ég eftir að bókin mín, L‘Anomalie, hafði …