„Við erum bara að bíða eftir því að fá óklippt efni. Það eru engin önnur við­brögð við því að sinni. Þá verður málið rann­sakað.“ Þetta segir Sigríður Björns­dóttir, sér­greina­dýra­læknir hrossa hjá Matvæla­stofnun (MAST), beðin um við­brögð við myndefni frá tvennum erlendum dýra­vernd­un­ar­sam­tökum sem sýnir meðal ann­ars þegar veist er að fyl­fullum hryssum við blóð­töku. 

Á myndefn­inu, sem má sjá brot úr efst í þess­ari frétt, sjást meðal ann­ars ótta­slegnar hryssur berj­ast um í blóð­töku­básum, að því er virð­ist viti sínu fjær af ótta. Í öðrum klippum má sjá starfs­mann berja merar með priki og veita þeim spörk. Myndefnið var tekið á sex mis­mun­andi íslenskum sveita­bæjum á síð­asta blóð­töku­tíma­bili. 

Biður um færi á að rannsaka málið

Dýra­vernd­un­ar­sam­tökin sem stóðu að dreif­ingu myndefn­is­ins eru ann­ars vegar þýsk og hins vegar sviss­nesk. Þau hafa áður sent frá sér heim­ild­ar­mynd um blóð­mer­ar­hald á Íslandi árið 2021. Sú vakti mikla athygli og varp­aði ljósi á …