Viðreisn bætir við sig í nýrri könnun

Viðreisn er með 13,8% fylgi sam­kvæmt nýrri könnun Maskínu á fylgi flokka á Alþingi. Flokk­ur­inn var með um 11% fylgi í síð­ustu könnun sem gerð var í sept­em­ber. Sjálf­stæð­is­flokk­ur­inn er með 13,7% fylgi sam­kvæmt könn­un­inni og er ekki mark­tækur munur á fylgi flokk­anna. Sjálf­stæð­is­flokk­ur­inn var með um 13% í könnun Maskínu fyrir sept­em­ber­mánuð.

Sam­fylk­ingin er áfram stærsti flokk­ur­inn, með 22,8% fylgi, Mið­flokk­ur­inn næst stærstur með 17% og koma Sjálf­stæð­is­flokkur og Viðreisn þar á eftir, sam­kvæmt nið­ur­stöð­unum fyrir könnun októ­ber­mán­aðar.

Þrír flokkar mæl­ast með um 7% fylgi; Flokkur fólks­ins með 6,6%, Píratar 6,8% og Framsókn 7%. Sós­í­alistar eru með 5,3%, Vinstri græn með 4,5% og Lýð­ræð­is­flokk­ur­inn með 2,4%.

Samkvæmt fylgis­tölum miðað við svörun í könn­un­inni eftir stjórn­ar­slit, dag­ana 15.-18. októ­ber, myndu þing­sætin skipt­ast svo: Sam­fylk­ingin 14, Mið­flokk­ur­inn 12, Sjálf­stæð­is­flokkur 9, Viðreisn 8, Framsókn 5, Flokkur fólks­ins 5, Píratar 3, Vinstri græn 3 og Sós­í­alista­flokk­ur­inn 3.

Könnun Maskínu fór fram dag­ana 2.-18. októ­ber og tóku 1772 svar­endur afstöðu til flokks. Úrtakið var svo­nefnd Þjóðgátt Maskínu, sem er þjóð­hópur fólks (e. panel) sem dreg­inn er með til­viljun úr Þjóðskrá. Um net­könnun var að ræða.