Julian Assange, stofnanda Wikileaks, var sleppt úr fangelsi í Bretlandi í gærmorgun eftir að hann náði samkomulagi við bandarísk stjórnvöld um að játa að hluta á sig brot sem þau hafa ákært hann fyrir.
„Eftir rúm fimm ár í 2x3 metra klefa þar sem hann var einangraður í 23 klukkustundir á dag mun [Julian Assange] bráðum hitta eiginkonu sína Stellu Assange og börnin þeirra, sem hafa kynnst föður sínum í gegnum rimla,“ segir í færslu Wikileaks um málið.
Kristinn Hrafnsson, ritstjóri Wikileaks, sagði í færslu á Facebook í nótt að margra ára barátta væri að skila árangri. „Þakka stuðninginn,“ skrifaði Kristinn.
Snýr aftur til Ástralíu
Bandarísk yfirvöld hafa haldið því fram að birting Wikileaks á skjölum frá stríði Bandaríkjanna í Írak og Afganistan hafi stofnað mannslífum í hættu. Vegna þessa hefur Assange eytt síðustu fimm árum í bresku öryggisfangelsi og barist gegn framsali til Bandaríkjanna.
Samkvæmt bandarísku fréttastofunni CBS mun Assange ekki vera settur í bandarískt fangelsi en útlit er fyrir að dómurinn vegna brotanna sem hann er sagður ætla að játa á sig verði jafn langur og sú fangelsisvist sem hann hefur þegar setið af sér í Bretlandi.
Assange yfirgaf Bretland síðdegis í gær og ætlar hann sér að snúa aftur til heimalandsins Ástralíu, samkvæmt færslu Wikileaks. Talsmaður ríkisstjórnar Ástralíu sagði við AFP í gær að mál Assange hafi dregist of lengi.
Ákæran sem Assange samþykkti að gangast við verður tekin fyrir hjá dómstólum á Norður-Maríanaeyjum á morgun. Bandaríkin fara með stjórn eyjanna og eru þær mun nær Ástralíu en bandarískir dómstólar á Hawaii eða meginlandi Bandaríkjanna.
Assange og lögmenn hans hafa lengi haldið því fram að mál Bandaríkjamanna gegn honum sé af pólitískum toga.
Yfirtók líf Stellu
Stella Assange ræddi mál eiginmanns síns við Heimildina árið 2021. Þá biðlaði hún til Íslendinga um að berjast fyrir frelsun hans.
„Þetta hefur í raun og veru yfirtekið líf mitt,“ sagði hún um baráttuna fyrir frelsi Julians.
„Ég gerði mér grein fyrir því frá byrjun að baráttan væri mjög hættuleg. Það voru mjög myrk öfl sem vildu setja hann í fangelsi til að þagga niður í honum og berjast gegn því sem Julian var að berjast fyrir.“
Þá sagði Stella að eiginmaður hennar væri að berjast við valdamikil öfl.
„Julian hefur reitt marga til reiði, ekki bara hernaðaryfirvöld og njósnastofnanir í Bandaríkjunum, heldur einnig bankana, stóru lyfjafyrirtækin og svo framvegis. Svo það eru mjög sterk öfl sem vilja þagga niður í Julian. Við sáum það til dæmis árið 2010, þegar Wikileaks birti gögn frá bandaríska hernum í Afganistan og Írak ásamt diplómataskjölunum, að meira að segja kreditkortafyrirtækin fóru að loka á Wikileaks. Þetta er bara eitt dæmi um hvernig pólitíkin hafði áhrif á einkageirann til að ráðast á Julian úr öllum áttum. Dómstólar á Íslandi komust síðan að þeirri niðurstöðu að þessi aðgerð kreditkortafyrirtækjanna væri ólögmæt.“
Bob Dylan Desire '78 Hurricane.
Þó svo að samviska þessara tveggja vinaþjóða, USA og UK sé ekki upp á marga fiskana þá rankar hún við sér Þegar heilaþveginn almenningur stuggar við buddum þeirra.
En ég kemst ekki hjá því að vellta fyrir mér þeim möguleika að þetta útspil B.N.A. sé tilkomið til að fá ekki á sig óorðsstympil fyrir að dæma Assange saklausan í 100+ ára fangelsi.
Og síðan þegar rykið er sest þá munu útsendarar CIA myrða Assange.
Síðan eftir það verður því lýst yfir að sá sem sé helst grunaður um ódæðið.
Sé einfari og talin frekar tæpur á geði.