Birgir Þórarinsson, þingmaður Sjálfstæðisflokks, hefur lagt fram fyrirspurn til Guðrúnar Hafsteinsdóttur dómsmálaráðherra þar sem hann óskar eftir upplýsingum um þau áform sem ráðherrann hafi „um aukna rannsókn á bakgrunni umsækjenda um alþjóðlega vernd út frá hugsanlegum tengslum við hryðjuverkasamtök?“ Hann vill einnig fá upplýsingar um til hvaða aðgerða Guðrún hyggst gríða, til dæmis sem snúa að landamæravörslu vegna hættumats ríkislögreglustjóra sem birt var í febrúar, en samkvæmt því er Ísland á þriðja hættustigi af fimm, sem merkir að aukna ógn á hryðjuverkum og að „til staðar er ásetningur og/eða geta og hugsanleg skipulagning hryðjuverka.“

Í fyrirspurn Birgis, sem hann segir að snúist um varnir íslensks samfélags gegn hryðjuverkum, er líka spurt um hvaða úrræði séu fyrir hendi til „að flytja af landi brott aðila sem ríkislögreglustjóri telur að hafi vilja eða getu til hryðjuverkastarfsemi, eins og fram hefur komið …