Friðrik vann bæði fyrir ríkið og útgerðir sem keyptu skip af spænsku fyrirtæki

Friðrik Arn­gríms­son, skipa­miðl­ari og fyrr­ver­andi for­maður smíða­nefndar nýs haf­rann­sókna­skips fyrir hönd íslenska rík­is­ins, hefur ýmiss konar tengsl við skipa­hönn­uð­inn og spænsku smíða­stöð­ina sem samið var við um að smíða skipið. Hann átti þátt í að skipu­leggja smíða­vinn­una, sem leiddi til þess að samið var við skipa­smíða­stöð­ina, Astill­eros Armón. Fyrir þetta, og í kjöl­farið, hefur hann komið að samn­ingum útgerða hér á landi við spænsku skipa­smíða­stöð­ina. 

Eitt af því sem öll þessi verk­efni eiga sam­eig­in­legt er að íslenska fyr­ir­tækið Skipasýn teiknar skipin og Astill­eros Armón smíðar þau. Friðrik hefur nú komið að skipu­lagn­ingu og eða samn­ings­gerð um smíði fjög­urra skipa hjá spænska fyr­ir­tæk­inu á liðnum árum, eitt er haf­rann­sókna­skipið og svo þrír tog­arar.