Síðasti vinnu­dagur Klöru Bjartmarz hjá Knatt­spyrnu­sam­bandi Íslands var í gær, fimmtu­dag. Þar með lýkur 30 ára starfs­ferli hennar hjá KSÍ. En hún úti­lokar ekki að snúa aftur. Fót­bolt­inn, og það sem knatt­spyrnu­hreyf­ingin stendur fyrir, er henni mjög kær. „Frá unga aldri hef ég verið hluti af knatt­spyrnu­hreyf­ing­unni og ég held að ég muni vera það á ein­hvern hátt áfram,“ segir Klara. 

KSÍ greindi frá því í jan­úar að Klara ætl­aði að láta af störfum í lok febr­úar að eigin frum­kvæði. Ástæðan var spenn­andi atvinnu­aug­lýs­ing sem Klara rakst á hjá Land­helg­is­gæslu Íslands, sem henni finnst spenn­andi vinnu­staður. Klara ákvað að upp­færa fer­il­skrána, sem hafði staðið óhreyfð í 30 ár. „Svo bara trítl­aði það sína leið og mér var boðið starf. Ég ákvað að prufa hvort það væri líf utan fót­bolt­ans.“ Sú veg­ferð hófst í dag þegar Klara mætti til starfa í stjórn­stöð Land­helg­is­gæsl­unnar. „Ég mæti gal­vösk og tek því sem að höndum ber. Ég hef alltaf haft áhuga á því sem snýr að sjónum. Ég er kajakræð­ari.“ Með nýja starf­inu nær Klara að sam­eina hin tvö áhuga­málin, það er þau sem ekki snúa að fót­bolta, nefni­lega sjó­inn og lög­gæslu. „Ég þekki vel til stranda lands­ins og það er til­hlökk­un­ar­efni að fara að snúa sér að því.“

Margt hefur breyst innan knatt­spyrnu­hreyf­ing­ar­innar á þeim 30 árum sem Klara hefur starfað innan hennar. „Það er bylt­ing í öllu starfi, starfs­manna­fjölda, tækjum og tólum. Þegar ég byrj­aði héldum við að inter­netið væri tísku­bóla þegar við vorum að skipu­leggja fyrstu mótin sem fóru á netið. Eina sem hefur ekki breyst er hvernig fót­bolt­inn er spil­aður, 11 á móti 11.“

Óhætt er að full­yrða að gustað hafi um KSÍ síð­ustu ár, í for­mann­s­tíð Guðna Bergs­sonar, og hvernig tekið var á frá­sögnum af kyn­ferð­is­of­beldi og áreitni lands­liðs­manna í knatt­spyrnu eftir að þær komu upp á yfir­borðið. Klara segir margt óupp­gert í þeim efnum. „Það á eftir að fara betur yfir heild­ina. Síðustu vikur hafa farið í það að ein­beita mér að því að klára hluti eins og árs­þingið. Það var stórt og það var erfitt,“ segir Klara, sem vill að öðru leyti ekki tjá sig um þennan tíma hjá KSÍ. 

Staða fram­kvæmda­stjóra var aug­lýst í byrjun febr­úar. Þáver­andi stjórn ákvað að hefja ráðn­ing­ar­ferlið en það verður í höndum nýs for­manns KSÍ að ráða nýjan fram­kvæmda­stjóra. Þor­valdur Örlygs­son var kjör­inn á nýaf­stöðnu árs­þingi KSÍ þar sem hann hafði betur gegn Guðna Bergs­syni, fyrr­ver­andi for­manni, og Vigni Má Þor­móðs­syni. Það verður því í höndum Þor­valdar og nýrrar stjórnar að ráða nýjan fram­kvæmda­stjóra. Umsókn­ar­frestur rann út í vik­unni og umsókn­irnar eru „þó nokkrar“ að sögn Klöru. 

Þótt Klara sé hætt sem fram­kvæmda­stjóri úti­lokar hún ekki að starfa aftur innan knatt­spyrnu­hreyf­ing­ar­innar. „Ég geri nú ráð fyrir því að mæta á völl­inn næsta sumar og von­andi fæ ég tæki­færi til að taka þátt í starf­inu í íþrótta­hreyf­ing­unni í heild. Ég hef mik­inn áhuga á fót­bolta, íþróttum og jafn­rétt­is­málum í íþróttum. Ég ætla nú ekki að anda ofan í háls­málið á eft­ir­manni mínum eða -konu en ég mun vera til stuðn­ings og ráð­gjafar eins og við verður komið. Hver veit hvað fram­tíðin ber í skauti sér?“