Lögreglan er með viðveru í Grindavíkurbæ og verður áfram í nótt. Að öðru leyti er bærinn mannlaus eftir rýminguna sem fram fór í gærkvöldi. Viðbragðsaðilar hafa allir verið kallaðir frá bænum, ef frá er skilin lögregla, og fer aðgerðarstjórn lögreglu fram í Reykjanesbæ.
Glöggir áhorfendur á útsendingar úr vefmyndavélum sem beint er að Grindavíkurbæ hafa tekið eftir að svo virðist sem bílum sé stundum ekið um bæinn. Samkvæmt upplýsingum frá Almannavörnum eru það bifreiðar lögreglunnar sem þar sjást á ferð.
Athugasemdir (1)