Enn hafast um 114 manns við í fjöldahjálparstöðvum sem settar voru upp vegna jarðhræringa í og við Grindavík. Samkvæmt upplýsingum frá Rauða krossinum, sem stýrir hjálparstöðvunum, voru klukkan níu í kvöld 58 í fjöldahjálparstöðinni í Kórnum í Kópavogi, 27 voru í miðstöðinni á Selfossi og 29 í Keflavík.
Öllum hefur verið gert að yfirgefa Grindavíkurbæ sökum ástandsins og á það jafnt við um íbúa og viðbragðsaðila. Þegar tilkynning um rýmingu barst í fyrrakvöld þurftu margir að hraða sér úr bænum án þess að pakka niður eigum sínum eða koma gæludýrum sínum í skjól. Tugir katta, páfagaukar, fiskar, hamstrar, kanínur og dúfur en einnig hross, eru ein í bænum.
Samkvæmt upplýsingum frá Rauða krossinum hefur fjöldi fólks boðið hús og íbúðir til láns fyrir þá Grindvíkinga sem leitað hafa þurft í fjöldahjálparstöðina. Enn er ekki byrjað að koma fólki fyrir í …
Athugasemdir