Fréttir

Gistinætur á fyrri helmingi árs 15 prósentum fleiri en metárið 2018

Ár­ið í ár er á góðri leið með að slá met yf­ir fjölda skráðra gistinátta. Það sem af er ári eru skráð­ar gist­inæt­ur rúmri hálfri millj­ón fleiri en á sama tíma metár­ið 2018. Skráð­ar gist­inæt­ur í júní hafa aldrei ver­ið fleiri.

Gistinætur á fyrri helmingi árs 15 prósentum fleiri en metárið 2018
Ferðaþjónusta Mikill gangur er í ferðaþjónustunni um þessar mundir. Það sést glögglega þegar tölur fyrir skráðar gistinætur hér á landi eru skoðaðar. Mynd: Birgir Þór Harðarson
Birtist fyrir 3 árum.

Skráðar gistinætur í júní voru 1.170.600 og hafa aldrei verið fleiri í þeim mánuði. Þetta er 17 prósent aukning frá því í fyrra þegar gistinætur voru 1.012.300 talsins sem á þeim tíma var met. Þetta sýna nýjar tölur frá Hagstofu Íslands.

Árið í fyrra fór hægar af stað í ferðaþjónustunni heldur en fyrir faraldur. Fjöldi gistinátta fór þó hratt fjölgandi þegar líða tók á árið og líkt og áður segir var júní í fyrra metmánuður. Metið sem þá var sett hefur nú verið slegið. Þegar árið var liðið var 2022 einungis hársbreidd á eftir metárinu 2018 þegar horft er til fjölda gistinátta. Einungis tvö þúsund gistinætur skilja árin tvö að en þær námu rúmum átta og hálfri milljón á hvoru ári fyrir sig.

Sé rýnt í tölur Hagstofunnar sést að uppsafnaður fjöldi gistinátta á fyrri helmingi ársins var mestur árið 2018, þar til nú. Fyrstu sex mánuði ársins 2018 voru skráðar gistinætur á Íslandi rúmlega þrjár og hálf milljón en á þessu ári nemur fjöldi þeirra tæpri 4,1 milljón.

Gistinóttum erlendra ferðamanna fjölgar um 16 prósent

Gistinætur erlendra ferðamanna í síðasta mánuði voru 77 prósent af heildinni eða rúmlega 903 þúsund. Það er 16 prósenta aukning frá því í fyrra þegar þær voru tæplega 778 þúsund. Gistinóttum Íslendinga fjölgar einnig talsvert milli ára eða um 14 prósent. Í júní síðastliðnum voru þær rúmlega 267 þúsund samanborið við rúmlega 234 þúsund í fyrra.

„Gistinætur á hótelum og gistiheimilum voru um 703.000 og um 468.000 á öðrum tegundum skráðra gististaða (íbúðagisting, orlofshús, tjaldsvæði o.s.frv.). Áætlaður fjöldi gistinátta erlendra ferðamanna í heimagistingu utan hefðbundinnar gistináttaskráningar í júní var um 200.000,“ segir á vef Hagstofunnar.

Rétt er að geta þess að allar tölur fyrir árið í ár nema gistináttatölur hótela eru bráðabirgðatölur. Fram kemur á vef Hagstofunnar að áætlun fyrir aðrar tegundir gististaða sé um þessar mundir háð meiri óvissu en vanalega „fyrir tilstilli örra breytinga á framboði og nýtingu og því er rétt að taka þeim tölum með sérstökum fyrirvara þar til endanlegar tölur liggja fyrir.“

Kjósa
1
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Snýr aftur í hjúkrunarfræði eftir heilablæðingu
1
ViðtalLífið á Grensás

Snýr aft­ur í hjúkr­un­ar­fræði eft­ir heila­blæð­ingu

Við­bragðs­að­il­ar héldu að Björn Ólaf­ur Har­alds­son væri út­úr­dóp­að­ur þeg­ar hann lá á gólf­inu með blæð­ingu í heila. Hann var 21 árs og í hjúkr­un­ar­fræði­námi þeg­ar áfall­ið reið yf­ir og þurfti ít­rek­að að leið­rétta mis­tök ófag­lærðs starfs­fólks á heil­brigð­is­stofn­un­um. Nú stefn­ir hann á að klára nám­ið og koma sterk­ari til baka.
Reykjavíkurborg takmarkar aðgengi að tónlistarnámi
3
Tónlist

Reykja­vík­ur­borg tak­mark­ar að­gengi að tón­list­ar­námi

Þrátt fyr­ir stefnu Reykja­vík­ur­borg­ar um jafn­an rétt til list­sköp­un­ar lýsa skóla­stjórn­end­ur tón­list­ar­skóla þung­um áhyggj­um af þró­un mála. Ald­urstak­mörk hafi orð­ið til þess að vísa þurfti nem­end­um úr námi og aðr­ir kom­ist aldrei að. Sí­fellt sé þrengt að starf­semi tón­list­ar­skóla þar til þeir verði ann­að­hvort að sam­ein­ast eða loka.

Mest lesið í mánuðinum

Katla sem breytti heilbrigðiskerfinu
1
ViðtalLífið á Grensás

Katla sem breytti heil­brigðis­kerf­inu

Eng­inn á Ís­landi hef­ur lif­að af jafn al­var­leg­an mænusk­aða og Katla Guðna­dótt­ir sem lenti í dul­ar­fullu bíl­slysi 22 ára göm­ul. Hún er föst á Grens­ás­deild þar sem kerf­ið hef­ur ekki af­greitt beiðni henn­ar um heima­þjón­ustu. Bar­átta henn­ar hef­ur þeg­ar skil­að for­dæma­lausri ákvörð­un í heil­brigð­is­ráðu­neyt­inu en oft líð­ur henni eins og fólki hefði þótt það auð­veld­ara ef hún hefði ekki lif­að slys­ið af.

Mest lesið í mánuðinum

Nýtt efni

Reykjavík yfir landsmeðaltali í PISA en Reykjanesbær undir á öllum sviðum
InnlentNiðurstöður PISA

Reykja­vík yf­ir lands­með­al­tali í PISA en Reykja­nes­bær und­ir á öll­um svið­um

Mennta­mála­ráðu­neyt­ið hef­ur birt nið­ur­brot á nið­ur­stöð­um PISA eft­ir sveit­ar­fé­lög­um. Mun­ur á frammi­stöðu nem­enda í stærstu sveit­ar­fé­lög­um lands­ins minnk­ar þeg­ar tek­ið er til­lit til bak­grunns þeirra. Reykja­vík helst þó yf­ir lands­með­al­tali í vís­ind­um, stærð­fræðilæsi og lesskiln­ingi en Reykja­nes­bær und­ir á öll­um þrem­ur svið­um.

Mest lesið undanfarið ár