Fjöldi þeirra sem er með sjón­­­varp yfir IP-­­­net, sem er það sjón­­­varp sem miðlað er í gegnum ADSL- eða ljós­­­leið­­­ara­teng­ingar í mynd­lykla sem leigðir eru af fjar­­­skipta­­­fyr­ir­tækj­um var 79.968 í lok síðasta árs. Þeim sem velja að horfa á sjónvarp í gegnum slík tæki hefur fækkað um 21.186 á fimm árum, eða um 21 prósent. 

Þetta má lesa út úr nýjustu tölfræðiskýrslu Fjarskiptastofu um íslenska fjarskiptamarkaðinn sem sýnir stöðu hans í lok árs 2022. 

Tvö fyr­ir­tæki bjóða upp á mynd­lykla til að horfa á sjón­­varp yfir IP-­­net, Sím­inn og Vodafone, sem er hluti af Sýnarsamstæðunni. 

Í byrjun árs 2017 voru 56.534 áskrifendur sem leigðu myndlykla hjá Símanum , og 44.620 hjá Vodafone. Í lok árs í fyrra hafði þeim áskrifendum Símans sem það gerðu fækkað um 8.352 á fimm árum, eða um 14,8 prósent. Fækkunin hefur orðið enn meiri hjá Vodafone, sem hefur misst …