Borgarleikhúsið

eftir David Harrower

Leikstjóri og þýðandi: Vignir Rafn Valþórsson

Leikarar: Ásthildur Úa Sigurðardóttir og Valur Freyr Einarsson

Leikmynd og búningar: Júlíanna Lára Steingrímsdóttir

Tónlist: Örn Eldjárn

Lýsing: Pálmi Jónsson

Hljóðmynd: Salka Valsdóttir

Leikgervi: Guðbjörg Ingvarsdóttir

Aðstoð við sviðshreyfingar: Kata Ingva

Hvenær lýkur afplánun? Á yfirborðinu virðist spurningin vera einföld en svo er alls ekki. Munur er á hvort við erum að tala um líkamlega afplánun á einhvers konar stofnun eða andlega aflausn. Svartþröstur eftir David Harrower snýst um þessar vangaveltur og var frumsýnt í Borgarleikhúsinu fyrir viku síðan, síðasta frumsýning leikfélagsins á leikárinu.

Svartþröstur er afskaplega vel skrifað leikrit, sem gerist í einu herbergi nánast í rauntíma. Leikskáldið sýður niður átök tveggja einstaklinga með mjög flókna og sársaukafulla forsögu á eftirtektarverðan máta. Saga Ray og Unu birtist í brotum, hálfkláruðum setningum og minningum sem ríma ekki endilega saman. Áhorfendur eru settir í þá stöðu að fylla upp í …