Fyrri aukaspurning:

Hver eða hverjir bjuggu í húsinu á myndinni hér að ofan?

***

Aðalspurningar:

1.  Til hvaða heimsálfu telst ríkið Máritíus?

2.  Dagný Hulda Erlendsdóttir og Elsa María Guðlaugs Drífudóttir eru báðar ... hvað?

3.  Bonnie D. Zacherle heitir bandarísk kona sem nú er 76 ára. Árið 1981 komu á markað litrík leikföng sem hún átti mestan þátt í að hanna og ári seinna kom út önnur útgáfa með örlítið breyttu nafni. Nú meira en 40 árum síðar eru þessi leikföng enn í fullu fjöri og auk leikfanganna sjálfra eru gerðir um þau sjónvarpsþættir, gefnar út bækur og bíómyndir. Leikurinn snýst um ákveðin alþekkt húsdýr. Hvað er hér um að ræða?

4.  Hvað þýðir latneska orðið aqua?

5.  Drottning ein varð fyrir því óláni að karl hennar kóngurinn var drepinn af óþekktum morðvargi. Nokkru síðar kynntist drottning álitlegum ungum pilti og gekk að eiga hann. Enn síðar kom í ljós að hann var löngu týndur sonur hennar. Og viti menn, það var hann sem reyndist hafa drepið kónginn fyrrum. Þótti þetta að vonum hið versta mál. En hvar var hún drottning? Hér þarf svarið að vera afar nákvæmt.

6.  En hvar var svokölluð  Blóð-María drottning?

7.  Hvað hét yngri systir hennar?

8.  Þau Friðrik Margrétar-Guðmundsson og Brynhildur Karlsdóttir eru í hljómsveit sem heitir heldur kvikindislegu nafni. Hvað heitir hljómsveitin þeirra?

9.  Hvaða filmstjarna stóð í ströngu fyrir dómi í síðasta mánuði vegna áreksturs í skíðabrekku?

10.  Vignar Vatnar Stefánsson varð fyrir örfáum vikum 16. Íslendingurinn til að ná tilteknum árangri. Hvaða árangur var það?

***

Seinni aukaspurning:

Þessi ungi maður heitir O'Connell að eftirnafni. Hann er ljómandi góður tónlistarmaður. En samt er hann ennþá frægari vegna fjölskyldutengsla. Hver eru þau?

***

Svör við aðalspurningum:

1.  Afríku.

2.  Fréttamenn hjá RÚV.

3.  My Little Pony.

4.  Vatn.

5.  Þebu í Grikklandi.

6.  Englandi.

7.  Elísabet.

8.  Kvikindi.

9. Gwyneth Paltrow.

10.  Hann varð stórmeistari í skák.

***

Svör við aukaspurningum:

Á efri myndinni er heimili Flintstone-fjöskyldunnar.

Hér má sjá heimilisföðurinn Fred berja að dyrum eftir að hafa læst sig úti einhvern tíma á steinöld.

Finneas O'Connell er langfrægastur fyrir að vera bróðir Billie Eilish en hann á reyndar sinn þátt í tónlistarafrekum hennar.