Fyrri aukaspurning:
Úr hvaða nýlegu og vinsælu bíómynd er skjáskotið hér að ofan?
***
Aðalspurningar:
1. Fyrrum var þrennt sagt óteljandi á Íslandi. Í fyrsta lagi voru það eyjarnar ... hvar?
2. Í öðru lagi var um að ræða hólana í ... í hverju?
3. Og í þriðja lagi voru tiltekin vötn sögð óteljandi. Það voru vötnin ... hvar?
4. Hversu margar eru tilnefningar til Óskarsverðlauna í hverjum flokki, nema einum?
5. Í flokknum „besta kvikmyndin“ er þó annar fjöldi tilnefninga. Hversu margar myndir eru tilnefndar í þessum flokki?
6. Þjóðskrá birti nýlega tölur um íslenska ríkisborgara sem búsettir eru erlendis. Hve margir reyndust þeir vera? Hér má skeika fimm þúsund manns til eða frá.
7. Élisabeth Borne hefur verið forsætisráðherra í tilteknu stóru Evrópulandi síðan í maí 2022. Hún er þó ekki mesti valdamaður landsins. Í hvaða landi er Borne forsætisráðherra?
8. Hver leikstýrði kvikmyndinni Börn náttúrunnar?
9. Nýlega fannst tiltekin dýrategund í regnskógunum í Panama. Vísindamenn nefndu dýrið á latínu Pristimantis gretathunbergae, vitaskuld eftir sænska aktífistanum Gretu Thunberg. En hvers konar dýr er Pristimantis gretathunbergae?
10. Hvað ætli heiti annars höfuðborgin í Panama?
***
Seinni aukaspurning:
Hvað heitir eyjan hér nokkurn veginn fyrir miðri mynd?
***
Svör við aðalspurningum:
1. Á Breiðafirði.
2. Í Vatnsdal.
3. Á Arnarvatnsheiði. Einnig fæst rétt fyrir Tvídægru en þær heiðar tvær liggja hvor að annarri.
4. Fimm.
5. Tíu.
6. Þjóðskrá gaf upp töluna 48.951. Ef við hækkum það upp í 49 þúsund telst allt frá 44 þúsund og upp í 54 þúsund vera rétt.
7. Frakklandi.
8. Friðrik Þór Friðriksson.
9. Froskur.
10. Panama, eða Ciudad de Panamá, það er að segja Panama-borg.
***
Svör við aukaspurningum:
Efri mynd er úr kvikmyndinni um Gosa.
Öðru nafni Pinocchio, en svo heitir myndin á ensku.
Myndinni stýrði Guillermo del Toro.
Eyjan á neðri myndinni er hins vegar Korsíka.
Ég sneri kortinu á Google Earth svolítið og hallaði því líka.
En á „venjulegri“ mynd er Korsíka svona í sveit sett:
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir