Í nokkuð mörg ár hefur Mál og menn­ing staðið fyrir útgáfu sígildra erlendra stór­virkja, á þessu hausti bæt­ist í safnið þýð­ing Péturs Gunn­ars­sonar á Játn­ingum sviss­neska heim­spek­ings­ins Jean-Jaques Rousseau. Fyrir á fleti eru telst mér til einar sex bækur, allar gefnar út með sama sniði, flestar með til­styrk Mið­stöðvar íslenskra bók­mennta. Er mik­ill sómi af þessum flokki, sem átti sér for­vera í útgáfu­röð sem hófst með Rebelais. Fyrri hluta verks­ins, sex kafla eða bækur, skrif­aði Rúsó 1765 til 1767, en þann síð­ari 1769-1770 og þær eru varn­ar­rit fyrir feril hans og líf. Ekki auðn­að­ist honum að semja þriðja hlut­ann en sögu hans lýkur þá hann er land­flótta og sætir grimmi­legum póli­tískum ofsóknum. Nýjung verks­ins, sem sótti fyr­ir­mynd sína til trú­ar­legra rita Ágústínusar og heil­agrar Teresu, fólst í yfir­lýstri hrein­skilni hans, ekk­ert skyldi dregið undan. Hann greinir ítar­lega frá upp­lif­unum sínum og til­finn­inga­lífi, sam­bandi sínu við sam­ferða­menn og dvelur lengi við …