Aftansöngur

Hvar: Hall­gríms­kirkja

Hvenær: 24. des­em­ber kl. 18.00

Miðaverð: Ókeypis

Aft­an­söngur á aðfanga­degi kl. 18.00. Sr. Irma Sjöfn Ósk­ars­dóttir pré­dikar og þjónar fyrir alt­ari. Kór Hall­gríms­kirkju syngur undir stjórn Steinars Loga Helga­sonar. Ein­söng­ar­vari er Thelma Hrönn Sig­ur­dórs­dóttir. Org­anisti er Björn Steinar Sól­bergs­son og Eggert Pálsson leikur á slag­verk og flautu.
Björn Steinar Sól­bergs­son org­anisti leikur jólatón­list á Klais­orgel kirkj­unnar fyrir athöfn. 

Friðarganga á Þorláksmessu

Hvar: Lauga­vegur neðan Snorra­brautar

Hvenær: 23. des­em­ber kl. 18:00

Miðaverð: Ókeypis

 Frið­ar­ganga á Þor­láks­messu hefur verið gengin í Reykja­vík allt frá árinu 1980 en vegna Covid-19 far­ald­urs­ins var hún blásin af síð­ustu tvö ár. Því gefst nú tæki­færi fyrir höf­uð­borg­ar­búa og gesti að taka sér stuttan tíma frá jólaam­str­inu með því taka þátt í göng­unni á nýjan leik. Kór Mennta­skól­ans við Hamra­hlíð syngur í göng­unni og við lok fundar sem stýrt er af Stein­unni Sigþrúði Jóns­dóttur háskóla­nema. Ávarp við göngu­lok á Aust­ur­velli flytur Hjalti Hugason pró­fessor emeritus. Að göng­unni stendur sam­starfs­hópur frið­ar­hreyf­inga.

Die Hard – Jólapartísýning

Hvar: Bíó Paradís

Hvenær: 23. des­em­ber kl. 21.00

Miðaverð: 1.990 kr.

Fyrsta kvik­myndin um lög­reglu­mann­inn John McClane, sem tekst alltaf að vera á röngum stað á röngum tíma en bjargar auð­vitað mál­unum, hefur fengið sess sem klass­ísk jóla­mynd. Hans Gruber og hryðju­verka­fé­lagar hans eiga ekki séns í Nakatomi-turn­inum þessi jól frekar en nokkur önnur. Die Hard var til­nefnd til fernra Ósk­arsverð­launa og hefur verið nefnd ein besta hasar­mynd allra tíma.

Ellen B.

Mynd: Þjóð­leik­húsið

Hvar: Þjóð­leik­húsið – Stóra sviðið

Hvenær: 26. des­em­ber–13. jan­úar

Miðaverð: 7.250 kr.

Heims­frum­sýn­ing á fyrsta verk­inu í splunku­nýjum þrí­leik Mariusar von Mayen­burg, sem tal­inn er eitt merkasta núlif­andi leik­skáld Evrópu, í leik­stjórn verð­launa­leik­stjór­ans Benedicts Andrews. Unnur Ösp Stef­áns­dóttir, Ebba Katrín Finns­dóttir og Benedikt Erlings­son fara með hlut­verk þriggja per­sóna sem hitt­ast eina kvöld­stund í heima­húsi. Sam­skiptin snú­ast fljótt upp í martrað­ar­kennda viður­eign, með grimmi­legum ásök­unum á báða bóga, þar sem eng­inn er óhultur og sann­leik­ur­inn smýgur stöðugt undan.

Jólaóratorían eftir Bach

Hvar: Lang­holts­kirkja

Hvenær: 28. des­em­ber kl. 20.00

Miðaverð: 5.900-6.900 kr.

Jóla­óratoría Johann Sebast­ian Bach er eitt róm­að­asta tón­verk jól­anna og mörgum ómissandi um jólin. Jóla­órator­ían segir sög­una af fæð­ingu Jesú á áhrifa­mik­inn og hríf­andi hátt með fjör­ugum kórpörtum, dásam­legum sálmum og gull­fal­legum ein­söngsar­íum. Flytj­endur eru Söngsveitin Fíl­harm­ónía ásamt hljóm­sveit og ein­söngv­ur­unum Írisi Björk Gunn­ars­dóttur, Hildig­unni Ein­ars­dóttur, Benedikt Krist­jáns­syni og Oddi Arnþóri Jónssyni. Stjórn­andi er Magnús Ragn­ars­son. Konsert­meist­ari er Páll Pal­omares.

Malt og appelsínuhúð

Hvar: Þjóð­leik­hús­kjall­ar­inn

Hvenær: 30. des­em­ber kl. 22.00

Miðaverð: 3.900 kr.

Jóla­engl­arnir í burlesk­hópnum Dömur og herra verða í (og úr) hátíða­bún­ingi og jóla yfir bæði sig og þig. Fyrir alla þá sem elska jólin, hata jólin og þá sem elska að hata jólin. Vert er að taka fram að sýn­ingin er ekki fyrir þau sem eru við­kvæm fyrir dóna­brönd­urum, guð­lasti eða undrum manns­lík­am­ans. Um augna­konfekt er að ræða og því ekki nauð­syn­legt að skilja íslensku.

Gamlárshlaup ÍR

Mynd: b'PETUR THOR'

Hvar: Sæbraut við Hörpu

Hvenær: 31. des­em­ber kl. 12.00

Miðaverð: 2.040-3.670 kr.

Gamlárs­hlaup ÍR er skemmti­leg blanda af keppn­is­hlaupi, ára­móta­skemmtun og fjöl­skyldu­sam­veru þar sem ein­stak­lingar með ólík mark­mið og bak­grunn koma saman. Auk hefð­bund­inna keppn­is­bún­inga mæta fjöl­margir til leiks íklæddir grímu­bún­ingum. Á meðan sumir leggja kapp á að bæta sinn besta tíma þá berj­ast aðrir um að hljóta verð­laun fyrir frum­leg­asta bún­ing­inn eða ein­fald­lega hafa gaman af. Bæði er boðið upp á 10 km hlaup og 3 km skemmti­hlaup.

Leiðsögn listamanns: Rax

Hvar: Lista­safn Reykja­víkur, Hafn­ar­hús­inu

Hvenær: 5. jan­úar

Miðaverð: 2.050 kr.

Ljós­mynd­ar­inn Rax fjallar um verk sín á sýn­ing­unni Иorður og niður: Sam­tíma­list á norð­ur­slóðum. Иorður og niður inni­heldur verk bæði upp­renn­andi og þekkt­ari núlif­andi lista­manna frá þver­skurði lista­fólks sem búsett er á norð­aust­ur­strönd Banda­ríkj­anna, á kanadískum strand­svæðum, á Íslandi, á Norð­ur­lönd­unum auk inn­fædds lista­fólks frá öllu svæð­inu.

Vínartónleikar Sinfóníuhljómsveitar Íslands

Hvar: Harpa

Hvenær: 5., 6. og 7. jan­úar

Miðaverð: 3.900-9.900 kr.

Hinir sívin­sælu Vín­ar­tón­leikar eru sann­kölluð nýárs­veisla og sú glað­væra tón­list sem þar hljómar hefur tón­inn fyrir nýtt ár. Í þetta sinn er það hin kanadíska Keri-Lynn Wilson sem stjórnar tón­leik­unum. Meðal þess sem hljómar eru valsar og polkar eftir Johann Strauss yngri, m.a. Keis­ara­vals­inn og Dónár­vals­inn, auk for­leiks að Leð­ur­blök­unni.

Hvíta tígrisdýrið

Hvar: Borg­ar­leik­húsið

Hvenær: 7. jan­úar

Miðaverð: 4.500 kr.

Gíra­stúlkan, Klaka­dreng­ur­inn og Ósýni­lega stúlkan búa uppi á háa­lofti undir ógn­ar­stjórn Konunnar með kjólfald­inn. Þau dreymir um að kom­ast burt, en lyk­ill­inn er vel fal­inn. Ekki bætir úr skák að Hvíta tígris­dýrið fylgist með hverri hreyf­ingu úr skugg­unum. Hvíta tígris­dýrið er myrkt og tákn­rænt fjöl­skyldu­æv­in­týri um það að vera inni­lokuð og minni máttar.