Fyrri aukaspurning:

Hvaða eyju má sjá hér fyrir miðri mynd?

***

Aðalspurningar:

1.  Við eyjuna hér að ofan var háð ein af frægustu sjóorrustum sögunnar — en það er mjög langt síðan. Þar öttu heimamenn kappi við ... hverja?

2.  Í hvaða borg á Bretlandi spilar fótboltaliðið Chelsea?

3.  Ron DeSantis heitir maður nokkur. Nú um stundir bíða ýmsir í ofvæni eftir því hvort hann muni láta til skarar skríða og leggja í opinberan slag við ... hvern?

4.  Hvað heitir eyríkið þar sem Bjarni Benediktsson og fleiri áttu umdeilt félag, Falson & Co.?

5.  Í hvaða hafi er það eyríki?

6.  „Afi minn fór á honum Rauð / eitthvað suður á bæi, /að sækja bæði ...“ Hvað fór afi að sækja?

7.  „Fljúga hvítu fiðrildin / fyrir utan gluggann, / þarna siglir einhver inn ...“ Hver siglir inn?

8.  Hvað nefnist skipaskurðurinn milli Karíbahafs og Kyrrahafs?

9.  Það kemur vart á óvart að tvö algengustu ættarnöfn heimsins skuli bæði vera kínversk. Um það bil 100 milljónir manna bera annaðhvort þessara nafna. Hver eru þau? Hér dugar annað nafnið til að fá stig en hafirðu bæði rétt, þá færðu sérstakt Mao-stig.

10.  Intxausti, Arrigorriagakoa, Otxoa, Zuloaga, Izaguirre. Þessi nöfn eru heldur lengri og flóknari en hin stuttu og snaggaralegu kínversku nöfn. Úr hvaða Evróputungu eru þessi ættarnöfn sprottin?

***

Seinni aukaspurning:

Hver er karl sem hér má sjá hluta af?

***

Svör við aðalspurningum:

1.  Persa.

2.  London.

3.  Donald Trump.

4.  Seychelles-eyjar.

5.  Indlandshafi.

6.  Sykur og brauð.

7.  Ofurlítil duggan.

8.  Panama-skurður.

9.  Wang og Li.

10.  Basknesku. Spænska er alrangt svar.

***

Svör við aukaspurningum:

Á eftir myndinni er eyjan Salamis við Aþenu í Grikklandi.

Á neðri myndinni er Jónas Hallgrímsson.