Í ágúst á hverju ári birta fjöl­miðlar fréttir upp úr álagn­inga­skrá Skatts­ins um tekjur þjóð­þekktra Íslend­inga sem gefa vill­andi mynd af raun­veru­legri tekju­dreif­ingu sam­fé­lags­ins.

Þannig eru helstu útgerð­ar­menn Íslands birtir til­tölu­lega lágt á tekju­listum yfir for­stjóra fyr­ir­tækja og fólk í atvinnu­líf­inu í Tekju­blaði Frjálsrar versl­unar. Guð­mundur Krist­jáns­son, aðal­eig­andi Brim, er þannig listaður með rúm­lega 3,6 millj­ónir króna í mán­að­ar­tekjur á lista Frjálsrar versl­unar. Sú tala nær aðeins yfir brot af tekjum hans, því Guð­mundur fékk einnig fjár­magnstekjur upp á sam­tals 870 millj­ónir króna í fyrra, sem jafn­gildir 72 millj­ónum á mán­uði ofan á millj­ón­irnar 3,6.

Þor­steinn Már Bald­vins­son, for­stjóri Samherja, er einnig sagður vera með 3,6 millj­ónir króna á lista Frjálsrar versl­unar. Hann er hins vegar með sem nemur 61 milljón króna til við­bótar í hverjum mán­uði í fjár­magnstekjur, sem tekju­list­inn birtir ekki. 

Þessar fjár­magnstekjur bera aðeins 22 pró­sent skatt, ekki rúm­lega 46 pró­sent eins og launa­tekjur gera. 

Vanmetnar …