Helgi Magnús Gunn­ars­son vara­rík­is­sak­sókn­ari á sér langa sögu af umdeildum ummælum sem hann hefur látið frá sér á sam­fé­lags­miðlum eða í eigin per­sónu við sam­starfs­fólk. Nú síð­ast sagði hann hæl­is­leit­endur „auð­vitað ljúga“ í færslu á Facebook-síðu sinni og spurði hvort „skortur sé á hommum á Íslandi“.

Vísaði hann til nýfall­ins dóms þar sem Útlend­inga­stofnun og kæru­nefnd útlend­inga­mála höfðu rang­lega ekki tekið kyn­hneigð manns trú­an­lega, en hann hafði sótt um alþjóð­lega vernd sökum kyn­hneigðar.

Samtökin '78 kærðu Helga Magnús til lög­reglu í vik­unni fyrir hat­urs­orð­ræðu. Jón Gunn­ars­son dóms­mála­ráð­herra sagði færslu Helga Magnúsar „slá sig illa“. Sigríður Frið­jóns­dóttir rík­is­sak­sókn­ari hefur einnig tekið ummæli hans til skoð­unar innan emb­ætt­is­ins að eigin frum­kvæði.

Sem vara­rík­is­sak­sókn­ari er Helgi Magnús Gunn­ars­son einn æðsti emb­ætt­is­maður rétt­ar­vörslu­kerf­is­ins á Íslandi. Hafa opin­berir starfs­menn rétt til þátt­töku í opinni og frjálsri umræðu um þjóð­fé­lags­mál og njóta tján­ing­ar­frelsis. Þess er þó kraf­ist í siða­reglum fyrir ákærendur að þeir „skulu gæta þess …