Fyrri aukaspurning:

Hver er karlinn sem fær sér hér tesopa?

***

Aðalspurningar:

1.  Hvað nefndist bingóstaðurinn sem var lagður niður fyrir fáeinum dögum?

2.  Eyrarfjall og Ernir heita fjöll tvö sem umlykja fjörð nokkurn en í firðinum er að finna allfjölmennan þéttbýlisstað sem heitir ...?

3.  Hvaða Íslendingur skrifaði bókina Gerska ævintýrið á fjórða áratugnum þar sem hann lofsöng stjórn kommúnista og Stalíns í Sovétríkjunum?

4.  Hér verða nú talin upp fimm fótboltalið, og síðan spurt: Hvaða Íslendingur hefur leikið með þessum liðum öllum? Liðin eru Bolton — Chelsea — Fulham — Stoke — Tottenham.

5.  Chris nokkur Harrison var frá 2002-2021 kynnir í gríðarlega vinsælum bandarískum raunveruleikaþáttum í sjónvarpi. Sumum finnst nú raunveruleikinn í þessum raunveruleikaþáttum ekki ýkja raunverulegur en furðu margir horfa samt á þættina með stjörnur í augum. Hvaða þættir eru þetta?

6.  Hvar verða næstu sumarólympíuleikar haldnir eftir tvö ár?

7.  Fuglategund ein skiptist í nokkrar ættkvíslir sem búa um mestallan heim en þó aðeins þar sem hlýtt er. Nafn tegundarinnar mun merkja „loga-legur“ og vísar til litar fuglanna sem þótti líkur eldlogum. En kannski frekar daufum logum samt. Hvaða fuglar eru þetta?

8.  Hvað heitir forseti Úkraínu?

9.  Hversu margir eru hinir svokölluðu stóru píramídar í Giza í Egiftalandi?

10.  Árið 1708 gerði norrænn konungur innrás á rússneskt land og stefndi til Moskvu. Hann beið þó ósigur fyrir hersveitum Rússa og varð að hrökklast burt. Hvað hét kóngur?

***

Seinni aukaspurning:

Útlínur hvers má sjá á myndinni hér að neðan?

***

Svör við aðalspurningum:

1.  Vinabær.

2.  Ísafjörður.

3.  Halldór Laxness.

4.  Eiður Smári.

5.  Bachelor.

6.  Í París.

7.  Flamengó.

8.  Selenskí.

9.  Þrír.

10.  Karl tólfti.

***

Svör við aukaspurningum:

Á efri myndinni er Alfred Hitchcock.

Á neðri myndinni eru útlínur Krímskaga í Svartahafi.