Atli Arnarson & Halldór Eldjárn

Hvar? Mengi

Hvenær? 29. desember kl. 21

Aðgangseyrir? 2.000 kr. 

Atli Arnarson og Halldór Eldjárn bjóða til tónleika í Mengi. Atli vinnur nú að sinni fyrstu sólóplötu, Stígandi, sem kemur út árið 2022 en þema plötunnar er sjóslys sem varð árið 1967 þegar síldarbáturinn Stígandi sökk. Halldór hefur undanfarið samið tónlist undir eigin nafni en fyrsta platan hans Poco Apollo fjallar um tunglferðir og er samin með hjálp gervigreindar. 

Dömur og herra – Jóladaður

Hvar? Tjarnarbíó

Hvenær? 30. desember kl. 21

Aðgangseyrir? 3.900 kr.

Á jóladaginn sjötta færir jólasveinninn þér … Jólalegt burlesk á Tjarnarbakka! Jólaenglarnir í burlesk-hópnum Dömur og herra verða í, og úr, hátíðabúningi í Tjarnarbíói fimmtudaginn 30. desember kl. 21 og jóla yfir bæði sig og þig. Grín! Glens! Óvæntar uppákomur! Þrif! Bakstur! Endurvinnsla! Jólatré! Sprengjur! Stjörnuljós! Megrun! Jóladón! Allt þetta og meira til! Ekki neita þér um hina einu sönnu jólarest!

Áramótatónleikar Elju

Hvar? Harpa

Hvenær? 2. janúar kl. 20

Aðgangseyrir? 3.900 kr. 

Elja, kammersveit ungra hljóðfæraleikara, ætlar að byrja árið 2022 með hvelli! Áramótatónleikar Elju verða haldnir í Norðurljósasal Hörpu sunnudagskvöldið 2. janúar. Glæsileg dagskrá verður á tónleikunum og þar á meðal er harmonikkukonsert Finns Karlssonar sem í flutningi Elju hlaut verðlaunin „verk ársins“ í flokki sígildrar- og samtímatónlistar á Íslensku tónlistarverðlaununum árið 2020.

Morgunkorn um myndlist: Hrafnkell Sigurðsson

Hvar? Listasafn Reykjavíkur

Hvenær? 5. janúar kl. 9 

Aðgangseyrir? Ókeypis en skráningar krafist

Gestur Morgunkorns janúarmánaðar er Hrafnkell Sigurðsson. Verk Hrafnkels, Upplausn, verður sýnt á yfir 350 skjám Billboard um alla Reykjavíkurborg yfir tímabilið 1.–5. janúar 2022 en hann var valinn úr hópi 50 umsækjenda sem myndlistarmaður Auglýsingahlés Billboard. Morgunkorn um myndlist fer fram fyrsta miðvikudag hvers mánaðar í formi morgunfunda.

Stórsveit Reykjavíkur - Gullöld sveiflunnar

Hvar? Harpa

Hvenær? 9. janúar kl. 20.

Aðgangseyrir? 4.990–9.990 kr

Stórsveit Reykjavíkur heldur sína árvissu nýárstónleika, „Gullöld sveifunnar“, í Eldborg 9. janúar kl. 20. Tónleikarnir eru helgaðir tímabilinu 1930–50 þegar stórsveitir réðu ríkjum á jörðinni og stjórnendur, söngvarar og einleikarar voru poppstjörnur síns tíma. Ný og spennandi efnisskrá á hverju ári úr nótnabókum stórsveita Glenn Miller, Benny Goodman, Duke Ellington, Count Basie, Woody Herman, Tommy Dorsey og fleiri.

BÍÓTEKIÐ: ATÓMSTÖÐIN

Hvar? Bíó Paradís

Hvenær? 9. janúar kl. 17

Aðgangseyrir? 1.000 kr.

Sýndar verða valdar íslenskar og norrænar kvikmyndir í Bíó Paradís einn sunnudag í hverjum mánuði, frá 9. janúar, til 3. apríl. Atómstöðin er byggð á samnefndri skáldsögu Halldórs Kiljan Laxness. Eftir sýningu verður boðið upp á veitingar og aðstandandi kvikmyndarinnar og kvikmyndafræðingur svara spurningum úr sal.

Nýdönsk í Bæjarbíó Hafnarfirði

Hvar? Bæjarbíó Hafnarfirði

Hvenær? 14. janúar kl. 20

Aðgangseyrir? 8.990 kr.

Hljómsveitin Nýdönsk heldur sína árlegu tónleika í Bæjarbíói í janúarbyrjun en þetta er orðin hefð eftir vel heppnaða tónleika síðustu árin. Nýdönsk er í fantaformi enda nýkomin úr kosningaham þar sem framsækin kosningabarátta hljómsveitarinnar vakti athygli langt út fyrir landsteinana. Hljómsveitin mun flytja sín þekktustu og skemmtilegustu lög á tónleikunum.