Eitt ár Sirru Sigrúnar er Kærleikskúlan 2021

Sirra Sigrún Sig­urð­ar­dóttir er nú komin í hóp helstu lista­manna Íslands sem hafa tek­ist á við verk­efnið. Til að nefna örfáa, þá hafa Rúrí, Ragna Róberts og Ragnar Kjart­ans­son fengið verk­efnið verð­uga í hend­urnar. Erró var fyrstur árið 2003 og nú síð­ast, árið 2020, var það Finnbogi Péturson. „Öll hafa tekið vel í verk­efnið,“ segir Hrefna Rós Matth­í­as­dóttir mark­aðs- og fjár­öfl­un­ar­stjóri Styrkt­ar­fé­lags­ins.

„Það er mikil vinna að baki svona verk­efni og lista­fólkið gefur alla sína vinnu. Við erum ótrú­lega lánsöm og erum mjög hreykin af verk­efn­inu og því frá­bæra lista­fólki sem hefur gefið okkur verk sín í gegnum árin,“ segir Hrefna og bætir við að þau séu orðin nítján tals­ins. Allur ágóði af sölu Kær­leikskúl­unnar rennur til sum­ar­búða Styrkt­ar­fé­lags lamaðra og fatl­aðra í Reykja­dal í Mos­fells­dal. „Mér finnst mik­ill heiður að vera boðið að gera lista­verk á Kær­leikskúl­una og ein­stak­lega gaman að fá tæki­færi til að skapa eitt­hvað í …