Ég vissi ekki hvað ég átti að gera við fjögurra metra skepnu

Hill­billy hitti lista­mann­inn, Jón Baldur Hlíðberg, á vinnu­stof­unni hans sem er stað­sett í bíl­skúrnum á heim­ili hans. Á gólf­inu eru hressar mæðgur, cotton tíkur, bómull­ar­hnoðrar. Móðirin hoppar upp í fangið á Jóni. Jón teiknar dýr, alls konar dýr, og líka blóm, en hefur hann teiknað mæðgurnar? Nei er svarið en hann bætir við að hann hafi oft verið með grát­andi fólk í sím­anum að biðja hann um myndir af nýlátnum gælu­dýrum sínum en hann hefur ekki orðið að þeirri beiðni. „Þetta er eins með börnin, maður sér sitt í and­lit­unum. Gömlu por­trett­mál­ar­arnir fluttu bara inn í gamla daga í tvö ár því þú þarft að þekkja mann­eskj­una til að geta náð henni í þessu ljósi. Ég þyrfti ein­hvern veg­inn að kom­ast inn í haus­inn á katt­ar­eig­and­anum til að vita hvað hann sér í kett­inum, til að geta málað kött­inn, í raun­inni,“ segir Jón. 

Jón vill hafa gaman af öllu …