Fyrri aukaspurning:
Hér að ofan má sjá útlínur á stóru ríki úti í heimi. Það er rúmlega sex sinnum stærra en Ísland og heitir ...?
***
Aðalspurningar:
1. Hinar gömlu sýslur eru ekki til lengur sem stjórnsýslueiningar, en í þeirri von að ekki séu allir búnir að gleyma þeim, þá spyr ég: Hver af hinum gömlu sýslum var stærst að flatarmáli? Nákvæmt svar, takk.
2. Hver sendi frá sér skáldsöguna Höfundur Íslands fyrir tuttugu árum?
3. Guðríður Símonardóttir var kona ein á sautjándu öld. Hvert var hennar óvirðulega viðurnefni?
4. Hún átti frægan eiginmann sem hét ...?
5. Árið 2007 hóf göngu sína í sjónvarpi þáttaröð sem hefur reynst afar lífseig og vinsæl og þáttaröðin og stjórnandi hennar — sem er einn og hinn sami frá upphafi — hafa iðulega hlotið Edduverðlaun. Hvað heitir þáttaröðin?
6. Og hvað heitir umsjónarmaðurinn?
7. Hvaða stóra eyja eða eyjar voru numin af mönnum SÍÐAST af öllu landflæmi Jarðar? — Sjálfsagt er að taka fram að hér er að sjálfsögðu ekki átt við Suðurskautslandið, enda er ekki hægt að segja að það hafi verið numið enn.
8. Það er svolítið flókið að segja til um hvar eru flestar bíómyndir framleiddar í heiminum. En svo er mikið er víst að tiltekið land í Afríku er — mörgum Evrópubúum að óvörum — annaðhvort í fyrsta eða öðru sæti yfir flestar framleiddar kvikmyndir á ári. Hvaða land er það?
9. Í Mið-Asíu má finna ávaxtatré sem heitir á latensku fræðimáli Malus Sieversii. Tréð var tekið í þjónustu mannsins, kynbætt eftir þörfum og vex nú um allan heim undir nafninu Malus domestica. Nú eru til þúsundir undirtegunda og eru alkunnir ávextirnir notaðir á hinn fjölbreytilegasta hátt: étnir hráir, notaðir í allskonar bakstur og matargerð, og pressaðir í drykki. Hvað heita ávextirnir sem vaxa á greinum Malus domestica?
10. Hvar varð Kim Il-sung forsætisráðherra árið 1948?
***
Seinni aukaspurning:
Hver er þessi reffilegi karl?
***
Svör við aðalspurningum:
1. Norður-Múlasýsla.
2. Hallgrímur Helgason.
3. Tyrkja-Gudda.
4. Hallgrímur Pétursson.
5. Kiljan.
6. Egill Helgason.
7. Nýja Sjáland.
8. Nígería.
9. Epli.
10. Norður-Kóreu.
***
Svör við aukaspurningum:
Ríkið er Sómalía.
Karlinn er Pétur mikli Rússakeisari um 1700.
Spurningaþrautin
Fyrri grein
575. spurningaþraut: Látum Smerdjakov liggja milli hluta en hvað með bræðurna Dmitrí, Ívan og Alexei?
Næsta grein
Athugasemdir