Meðlimir í kjörstjórn lýsa óvarlegri meðferð atkvæða í kosningunum

Geir Guð­munds­son segir í sam­tali við Stundina að hann og vara­maður hans í kjör­stjórn Kópavogs hafi fundið þó nokkra ann­marka við með­höndlun atkvæða fyrir alþing­is­kosn­ingar. Meðal þeirra ann­marka er að sýslu­maður hafi virt óskir kjör­stjórn­ar­innar að vettugi um að setja inn­sigli á kjör­kassa áður en hann var fluttur og sett þess í stað grátt lím­band yfir rif­una á kjör­kass­anum. Þá var einnig inn­sigli á geymslu­stað utan­kjör­fund­ar­at­kvæða rofið án þess að umboðs­maður lista í kjör­dæm­inu væri við­staddur eða annar eft­ir­lits­að­ili og svo að utan­kjör­funda­at­kvæði hafi verið flutt opin í opnum kössum til kjör­deilda.

Af þessum ástæðum og fleiri seg­ist Geir ekki vera full­viss um að farið hafi verið að lögum við með­höndlun atkvæða. Hann seg­ist þó ekki van­treysta fólk­inu sem stóð að þessu en vilji bæta ferlið fyrir næstu kosn­ingar. „En alveg full­komið traust hjá þeim sem eru í kjör­stjórn­inni og sáu um þetta allt saman. Við teljum að sé ekk­ert óeðli­legt í gangi en við viljum gjarnan að það sé hægt að segja með fullri vissu að það sé ekki hægt að nota þessar „loop holes“. Það er það sem við höfum áhyggjur af.“ 

Enginn umboðsmaður viðstaddur þegar innsiglið var rofið

Atburða­rásinni lýsir Geir þannig að fyrst hafi utan­kjör­fund­ar­at­kvæði borist í Smárann og þau læst inn í geymslu og inn­sigli sett á hurð­ina. Svo á föstu­deg­inum eftir hádegi hafði inn­siglið verið rifið af, allt tekið út úr her­berg­inu og byrjað hafi verið að flokka utan­kjör­fund­ar­at­kvæði niður á kjör­deildir í öðrum sal. 

Þegar flokk­un­inni var lokið voru hin flokk­uðu utan­kjör­fund­ar­at­kvæði sett í kassa fyrir hverja kjör­deild og kass­arnir settir inn í geymslu í kössum sem voru ekki inn­sigl­aðir, geymsl­unni verið læst og inn­sigli sett á hurð­ina og áritað af odd­vita kjör­stjórnar. Morg­un­inn eftir, eða á kjör­degi, athug­aði sá sem hafði áritað inn­siglið hvort að inn­siglið á dyrum geymsl­unnar væri það sama en svo var ekki. 

Geir fór því að kanna í hverju mis­ræmið fólst og skýr­ingin reynd­ist vera sú að fleiri utan­kjör­fund­ar­at­kvæði sem voru greidd sama dag og hin höfðu verið flokkuð bár­ust seint um kvöldið og þá var her­bergið opnað af tveimur aðal­mönnum í kjör­stjórn og hin nýju utan­kjör­fund­ar­at­kvæði sett inn með hinum flokk­uðu. Her­berg­inu var svo aftur læst og dyrnar svo inn­sigl­aðar með nýju inn­sigli og það und­ir­ritað af odd­vita kjör­stjórnar. Enginn umboðs­maður eða eft­ir­lits­að­ili var við­staddur þegar inn­siglið var rifið á föstu­dags­kvöld­inu.

Að mati Geirs hefði verið æski­legt að hafa umboðs­mann við­staddan þegar inn­siglið var rifið og raunar í „öllum til­vikum“ þegar inn­siglið var rofið. 

Í færslu Katrínar Odds­dóttur á Facebook skrif­aði Geir ummæli sem svari við spurn­ingu Jón Þórs Ólafs­sonar, umboðs­manni Pírata í kjör­dæm­inu, um það hvort það væri ekki ljóst af þessu að „ein­hver hafði aðgang að atkvæð­unum alla nótt­ina?“ Geir svarar:

„Jón Þór ég get stað­fest að allan tím­ann hafði kjör­stjórn aðgang að her­berg­inu sem og hefði mögu­lega mörgun sinnum opnað dyrnar gert eitt­hvað þar inni, og sett síðan nýtt inn­sigli á dyrnar. Það er eitt af því sem mér finnst veikasti punktur kosn­ing­anna. Auðvelt er að svappa atkvæða umslögum í opnum sendi umslögum.“

Ekkert innsigli á kjörkassa frá sýslumanni

Annað sem Geir minnt­ist á í munn­legri grein­ar­gerð sinni var það að kjör­kass­arnir sem inni­héldu utan­kjör­fund­ar­at­kvæði frá sýslu­manni voru ekki inn­sigl­aðir þrátt fyrir að kjör­stjórnin hafði beðið um það. „Sýslu­maður virti það ekki og setti bara grátt lím­band yfir. Það hefði getað verið átt við það,“ segir hann. 

Þá kom það Geiri einnig á óvart að utan­kjör­fund­ar­at­kvæðin hafi verið flutt „opin“ og „í opnum kössum til kjör­deilda“.