Fyrri aukaspurning:

Hver er konan á myndinni?

***

Aðalspurningar:

1.  Hvaða land varð fyrst til að taka upp metrakerfið?

2.  Og hvenær var það: 1599, 1699, 1799 eða 1899?

3.  Í hvaða landi er borgin Feneyjar?

4.  En hvað heitir innhafið sem leikur um borgina?

5.  Hvað þýðir orðið afglapi?

6.  Stílfært rauðgult M er merki Macdonalds hamborgarakeðjunnar. En hvernig er grunnur merkisins á litinn?

7.  Hvað heitir fyrsta og hingað til eina íslenska veitingahúsið sem fengið hefur svonefnda Michelin-stjörnu?

8.  Hver var Bandaríkjaforseti 11. september 2001?

9.  Hvaða konu var rænt en síðan skilað aftur af því hún var svo geðvond?

10.  Engin orð eru í laginu Sveitin milli sanda heldur aðeins orðalaus söngur. Hver söng lagið fyrst inn á plötu?

***

Seinni aukaspurning:

Myndin hér að neðan ... hvað er þarna að gerast?

***

Svör við aðalspurningum:

1.  Frakkland.

2.  1799 — eða þar um bil.

3.  Ítalíu.

4.  Adríahafið.

5.  Bjáni, bjálfi og allt í þeim dúr.

6.  Rauður.

7.  Dill.

8.  George W. Bush.

9.  Soffíu frænku.

10.  Ellý Vilhjálms.

***

Svör við aukaspurningum:

Á efri myndinni er skáldið Gerður Kristný.

Á neðri myndinni er verið að krýna konung Frakklands og hin unga Jóhanna af Örk hugleiðir hvort hlutverki hennar sé ekki þar með lokið.

Nóg er að átta sig á að þarna er Jóhanna af Örk til að fá rétt svar.

***

Og sem fyrr eru hlekkir á fyrri þrautir hér fyrir neðan.