Fyrri aukaspurning:

Á myndinni hér að ofan má sjá tónlistarmann Pat Metheny spila á gítar sem Linda Manzer smíðaði sérstaklega fyrir hann. Gítar þessi var nefndur í höfuðið á ákveðnum myndlistarmanni og var nafngiftin ekki út í loftið. Hver var sá myndlistarmaður?

***

Aðalspurningar:

1.  „Það er djamm í kvöld og það er djamm á morgun og ekki á morgun heldur hinn og hinn og hinn og hinn og hinn ...“ Hver mælti svo — FRESH FRESH?

2.  Hvaða lið hefur oftast orðið Íslandsmeistari í handbolta karla?

3.  Hve langt er (nokkurn veginn) frá Skúlagötu í Reykjavík í beinni loftlínu að rótum Esjunnar? Eru það 10 kílómetrar — 15 kílómetrar — 20 kílómetrar — 25 kílómetrar eða 30 kílómetrar?

4.  En yfir hvaða fjörð liggur sú beina loftlína?

5.  Í hvaða landi er Kílarskurður?

6.  Einn æðsti valdamaður tiltekins ríkis í síðari heimsstyrjöld hét Tojo. Hvaða ríki er hér um að ræða?

7.  Sunna Valgerðardóttir heyrist iðulega nefnd í fjölmiðlum. Hvað er hennar starf?

8.  Tvö sjálfstæð ríki í Evrópu kenna sig á einn eða annan hátt við liti. Hvaða ríki eru það?

9.  Í hvaða núverandi ríki bjuggu Aztekar þá þeir komu mest til sögu stórviðburða?

10.  „Ég hef aldrei vitað aðra eins sjóferð, því ekkert okkar hafði vit á sjó. Nei, ég vildi miklu heldur vinna í ...“ Hvar þá?

***

Seinni aukaspurning:

Hvað heita systkinin á myndinni hér að neðan? Jú, mig vantar bæði nöfnin.

***

Svör við aðalspurningum:

1.  Steindi.

2.  Valur.

3.  Tíu kílómetrar.

4.  Kollafjörð.

5.  Þýskalandi.

6.  Japan.

7.  Fréttamaður.

8.  Svartfjallaland og Hvíta-Rússland.

9.  Mexíkó.

10.  Skógerð. (Sjá hér.)

***

Svör við aukaspurningum.

Gítarinn á efri myndinni var nefndur eftir Pablo Picasso.

Picasso

Ástæðan var náttúrlega sú að þessi sérkennilegi smíðisgripur þótti minna á kúbista-málverk Picassos.

Þar er allt á skakk og skjön eins og alkunna er.

Hér má til dæmis sjá portrett af Picasso eftir annan kunnan kúbista, Juan Gris.

Á neðri myndinni eru Anna og Andrés, prinsessa og prins af Bretlandi, börn Elísabetar drottningar.