Allar spurningar í dag snúast úr landafræði og þá eingöngu erlendis.

Fyrri aukaspurning:

Hvað heitir eyjan sem sést hér fyrir miðju?

***

Aðalspurningar:

1.  Stóragil eða Grand Canyon er eitt glæsilegasta gljúfur í heimi, enda engin smásmíði. Það er 446 kílómetra langt, 49 kílómetra breitt þar sem það er breiðast og 1,800 metra djúpt þar sem það er dýpst. Það er í Bandaríkjunum eins og flestir vita, en hvað heitir áin sem hefur grafið þetta mikla gljúfur?

2.  Grand Canyon er samt ekki lengsta gljúfur á jörðinni. Það allra lengsta er talið vera 750 kílómetra langt, en reyndar hvorki eins breitt (um 10 kílómetra) né djúpt (líklega um 800 metra þar sem dýpst er) og Grand Canyon. Hvar er þetta langa gljúfur?

3.  Á mörkum hvaða ríkja rísa Pýreneafjöll?

4.  Annar fjallgarður gengur eftir Ítalíu endilangri. Hvað heitir hann?

5.  Hver af eftirtöldum eyjum er í Karíbahafi: Maui, Flores, Tahiti, Alcatraz, Barbados eða Tristan da Cunha?

6.  Baarah, Dhiddhoo, Filladhoo, Hoarafushi, Ihavandhoo, Kelaa, Maarandhoo, Mulhadoo, Thakandhoo, Thuraakunu, Uligamu, Utheemu og Vahafaru eru nöfn á byggðum eyjum í afskekktum eyjaklasa, sem er sjálfstætt ríki. Íbúar eru heldur fátækir, því miður, en ríka fólkinu í heiminum þykir þó fínt að heimsækja eyjaklasann. Hvað heitir hann?

7.  Í hvaða heimsálfu er landið Súrinam?

8.  Hvaða land í veröldinni heitir á tungu flestra heimamanna Suomi?

9.  Stærsta raunverulega stöðuvatnið í vestanverðri Evrópu (sem sagt ekki uppistöðulón af neinu tagi) liggur hátt í fögrum fjalladal og tvö ríki deila með sér ströndum þess. Hvað heitir þetta stöðuvatn?

10.  Sá punktur á landi á Jörðinni sem er lengst frá sjó mun vera 2.645 kílómetra frá næstu sjávarfjöru. Hann er nálægt landamærum tvegga ríkja. Hver eru þau, og nefna verður bæði rétt til að fá stig. 

***

Seinni aukaspurning:

Hvað heitir hafsvæðið sem (hluti af) sést hér að neðan?

***

Svör við aðalspurningum:

1.  Colorado-fljótið.

2.  Undir ísnum á Grænlandi.

3.  Spánar og Frakklands. Það er óþarfi að nefna Andorra, það er beinlínis í fjöllunum.

4.  Appenínafjöll.

5.  Barbados.

6.  Maldíve-eyjar á Indlandshafi.

7.  Suður-Ameríku.

8.  Finnland.

9.  Genfarvatn á mótum Sviss og Frakklands.

10.  Þessi staður er í Kína um 100 kílómetra frá landamærunum að Kasakstan.

Það er rauði punkturinn sem er lengst frá sjó.Hvað guli punkturinn er að gera þarna veit ég ekki.

***

Svör við aukaspurningum:

Eyjan á efri myndinni heitir Amager og er við Sjálandsstrendur í Danmörku. Ég sagði „fyrir miðju“.

Á neðri myndinni sést hins vegar hluti Eyjahafsins.