Fyrri aukaspurning:

Hvað heitir persónan sem sjá má á myndinni hér að ofan?

***

Aðalspurningar:

1.  Hver tapaði forsetakjöri í Bandaríkjunum árið 2000, þrátt fyrir að hafa fengið fleiri atkvæði en mótframbjóðandi hans?

2.  Hvað var sænski landkönnuðurinn Garðar Svavarsson sagður hafa viljað kalla Ísland?

3.  Hvaða fjall á Íslandi var sagt inngangur að helvíti?

4.  Hver var fyrsta konan sem vígðist til prests á Íslandi?

5.  Hver var það sem vann sér helst til frægðar að eiga einhver ókjör af skóm?

6.  Ella Marija Lani Yelich-O'Connor heitir nýsjálensk söngkona og tónlistarmaður, fædd 1996. Hún skaust fram í sviðsljósið kornung með plötunni Pure Heroine (2013). Þar var að finna afar vinsælt lag sem nefndist Royals. Yelich-O'Connor gaf fyrr á árinu út plötuna Solar Power og hefur gegnum tíðina rakað að sér verðlaunum og viðurkenningum. Hvað kallar hún sig?

7.  Hver stofnaði Þjóðvaka?

8.  Leikkona ein er orðin 86 ára en er sannarlega enn í fullu fjöri og lék síðast stórt hlutverk í bíómynd í fyrra. Hún fékk Óskarsverðlaun árið 1960 fyrir hlutverk sitt í mynd sem yfirleitt er kölluð Tvær konur en heitir í raun og veru La ciociara. Hvað heitir þessi kona?

9.  Í hvaða landi er höfuðborgin Amman?

10.  Sænskur rithöfundur varð fyrst kvenna til að fá Nóbelsverðlaun í bókmenntum. Það var árið 1909 en hvað hét konan?

***

Seinni aukaspurning:

Hvaða dýr má sjá á myndinni hér að neðan? Ég er að biðja um íslenskt heiti þess.

***

Svör við aðalspurningum:

1.  Gore.

2.  Garðarshólmi.

3.  Hekla.

4.  Auður Eir.

5.  Imelda Marcos.

6.  Lorde.

7.  Jóhanna Sigurðardóttir.

8.  Sophia Loren.

9.  Jórdaníu.

10.  Lagerlöf.

***

Svör við aukaspurningum:

Á efri myndinni er Leia prinsessa úr Star Wars-myndunum.

Á neðri myndinni er skröltormur.