Fyrri aukaspurning:

Sjáið merkið hér að ofan. Þetta er vörumerki fyrir ... hvað?

***

Aðalspurningar:

1.  Samkvæmt Wikipedíu voru þrjú algengustu skírnarnöfnin fyrir nýfædda pilta í Afríkuríki einu árið 2015 nöfnin Junior, Blessing og Gift. Þrjú algengustu stúlknanöfnin voru hins vegar Precious, Princess og Angel. Hvaða land skyldi þetta vera?

2.  Hvaða reikistjarna kemur næst Jörðinni á ferðum sínum umhverfis sólina?

3.  Síðasti kóngurinn í hvaða ríki kallaðist Viktor Emanúel 3.?

4.  Árið 1918 var stofnað nýtt ríki í Evrópu sem hét í fyrstu Konungsríki Serba, Króata og Slóvena. En fljótlega var þó skipt um nafn á ríkinu og það var þá nefnt ... hvað?

5.  Hvað þýðir það nafn annars?

6.  Hver er eini Íslendingurinn sem fengið Óskarsverðlaun?  

7.  Hvað heitir yngsta barn Elísabetar Bretadrottningar?

8.  „Loksins, loksins,“ er upphafið á frægum ritdómi um nýja íslenska skáldsögu. Hver var höfundur skáldsögunnar?

9.  En hver skrifaði þennan ritdóm? Lárviðarstig er svo í boði að auki fyrir að vita í hvaða tímariti ritdómurinn með þessum frægu orðum birtist.

10.  „Fyrir þér er einn dagur sem þúsund ár / og þúsund ár dagur, ei meir: / eitt eilífðar smáblóm með titrandi tár, / sem ...“ Sem hvað?

***

Seinni aukaspurning:

Hver er karlinn sem hér heldur svo stoltur á nýfæddum syni?

***

Svör við aðalspurningum:

1.  Suður-Afríka.

2.  Venus.

3.  Ítalíu.

4.  Júgóslavía.

5.  Suður-Slavía.

6.  Hildur Guðnadóttir.  

7.  Játvarður.

8.  Halldór Laxness.

9.  Kristján Albertsson. Tímaritið hét Vaka.

10.  „... tilbiður guð sinn og deyr.“

***

Svör við aukaspurningum.

Á efri myndinni er vörumerki eða lógó fyrir bíla af gerðinni Ford Mustang.

Á neðri myndinni má aftur á móti sjá portúgalskan fótboltaþjálfara.

Hann hefur gert garðinn frægan með ýmsum helstu stórliðum heimsins, svo sem Chelsea, Real Madrid, Inter Milan og Manchester United.

Hann er umdeildur nokkuð, eins og kunnugt er, en heitir Jose Mourinho.

***

Hér eru svo fyrir neðan hlekkir á fyrri þrautir.