Fyrri aukaspurning:
Hvað fugl má sjá á myndinni hér að ofan? Myndina tók Hrafn Óskarsson.
***
1. „Hér er vá á ferðum, við skulum láta af þessu.“ Hér kæmi eitt orð að gagni í báðum setningarhlutum — í stað orða sem þarna standa. Hvaða orð er það sem hefur svo ólíka merkingu?
2. Hvað hét ungi lærlingurinn sem Bill Clinton Bandaríkjaforseti sóttist eftir í Hvíta húsinu?
3. En hvað hét saksóknarinn sem rannsakaði mál Clintons árum saman og þar á meðal ofangreint samband hans við ungu konuna eða lærlinginn?
4. Cusco heitir borg ein þar sem búa nú tæplega 500.000 sálir. En í byrjun 15. aldar var Cusco höfuðborg í voldugu ríki. Hvaða ríki var það?
5. Í hvaða skáldsögu kemur Jón Hreggviðsson mjög við sögu?
6. Hver er útbreiddasta skyndibitakeðja í heimi? Sem sagt með flesta útsölustaði.
7. Á bleikum náttkjólum — hver eða hverjir gáfu út þá plötu? Svarið þarf að vera nákvæmt.
8. Hvernig er fjórða boðorðið?
9. Leikari einn, sem fyrr á árum kom ekki síst fram í einleikjum og eins manns sýningum af ýmsu tagi, og rak sitt eigin leikhús, en starfaði svo lengi hjá útvarpinu og gerði þá frægan útvarpsþátt um vist sína í frumbernsku á vöggustofu, en er nú kominn í framboð til þings fyrir Samfylkinguna, hvað heitir þessi leikari?
10. Út í hvaða vík, vog, fjörð eða flóa fellur Lagarfljót?
***
Seinni aukaspurning:
Hver er konan hér að neðan?
***
Svör við aðalspurningum:
1. Hætta.
2. Monica Lewinsky.
3. Starr.
4. Ríki Inka í Perú.
5. Íslandsklukkunni.
6. Subway.
7. Megas og Spilverk þjóðanna.
8. „Heiðra skaltu föður þinn og móður.“
9. Viðar Eggertsson.
10. Héraðsflóa.
***
Svör við aukaspurningum:
Á efri myndinni er himbrimi.
Á neðri myndinni er Marilyn Monroe.
Spurningaþrautin
Fyrri grein
506. spurningaþraut: Eina konan sem hefur fengið æðstu herorðu Bandaríkjanna
Næsta grein
Athugasemdir