Og þá vindum vér oss til leiks, og fyrri aukaspurning hljóðar svo:

Hvaða dýr má sjá á myndinni hér að ofan?

***

Aðalspurningar:

1.  Hvað ár hófst orrustan við Stalingrad?

2.  Philips raftækjafyrirtækið — í hvaða landi er það upprunnið?

3.  En flugfélagið Wizz Air?

4.  Hvaða höfundur skrifaði æviminningar í bókunum Minnisbók, Bernskubók og Táningabók?

5.  Fræg crossfit-stjarna hefur annast podcastið Eigin konur ásamt Fjólu Sigurðardóttur. Hvað heitir cross-fit stjarnan?

6.  Hvað heitir áin sem rennur um Parísarborg?

7.  Hver skrifaði bókina um Baskerville-hundinn?

8.  Sænsk leikkona var skírð Mia Pernilla og bar eftirnöfnin Hertzman-Ericson við fæðingu en þegar hún hóf leikferil sinn í sjónvarpsseríu Ingmars Bergmans Fanny & Alexander notaði hún nafnið Wallgren eftir stjúpföður sínum. Um það leyti giftist hún reyndar rithöfundi einum að nafni Klas Östergren og tók sér þá eftirnafn hans. Þau Östergren skildu og 1991 giftist hún dönskum leikstjóra og tók sér þá nafnið hans. Því nafni hefur konan haldið þótt þau danski leikstjórinn séu nú líka skilin. Undir hvaða nafni þekkjum við sem sagt þessa leikkonu nú um stundir?

9.  Trommuleikarar Bítlanna voru tveir. Sá fyrri var rekinn og þá tók ... hver ... við kjuðunum?

10.  En hvað hét fyrri trommuleikari þessarar frægu hljómsveitar?

***

Seinni aukaspurning:

Hver er á myndinni hér að neðan?

***

Svör við aðalspurningum:

1.  1942.

2. Hollandi.

3.  Ungverjalandi.

4. Sigurður Pálsson.

5.  Edda Falak.

6.  Signa.

7.  Conan Doyle.

8. Pernilla August.

9.  Ringo Starr.

10.  Peter Best.

***

Svör við aukaspurningum:

Dýrið á efri myndinni er sjakali, nánar tiltekið hliðarandasjakali (side-striped jackal), sá er í Afríku býr — en sjakali dugar sem rétt svar.

Á neðri myndinni er Michelle Robinson, síðar Michelle Obama.