Aukaspurning númer eitt:

Við hvað starfar konan á myndinni hér að ofan?

***

Aðalspurningar:

1.  Hvaða ríki tilheyrir eyjan Samos?

2.  Benedikt Bogason gegnir um þessar mundir virðulegu embætti og hefur gert frá 2020. Hvaða embætti er það — nákvæmlega?

3.  Í námunda við hvaða stóran jökul er Eiríksjökull?

4.  Hver var að sögn Eiríkur sá sem jökullinn er kenndur við?

5.  Hvers konar fyrirbæri er það sem nefnt er augnfró?

6.  Bandaríska konan Carli Lloyd tilkynnti um daginn að hún væri hér með hætt því sem hún hefur fengist við undanfarinn aldarfjórðung, en Lloyd er nú 39 ára. Það er ekki hægt að segja annað en Lloyd hafi staðið sína plikt og rúmlega það, því hún hefur unnið öll þau afrek sem hægt er að vinna á ákveðnu sviði. Hvað hefur Lloyd fengist við um ævina?

7.  Í hvaða landi heitir höfuðborgin Riga?

8.  Hvaða gyðja í norrænni goðafræði geymdi gullepli?

9.  Hvað áttu þessi epli að tryggja guðunum?

10.  Hvað kallast vegalengdin 100 metrar samkvæmt metrakerfinu?

***

Síðari aukaspurning:

Útlínur hvers má sjá hér að neðan?

***

Svör við aðalspurningum:

1.  Grikklandi.

2.  Forseti Hæstaréttar. Hæstaréttardómari dugar ekki.

3.  Langjökul.

4.  Útilegumaður, flóttamaður.

5.  Jurt.

6.  Fótbolta.

7.  Lettland.

8.  Iðunn.

9.  Eilífa æsku.

10.  Hektómetri.

***

Svör við aukaspurningum:

Konan á efri myndinni er japönsk geisha. „Vændiskona“ er ekki rétt svar, því geishur eru það ekki endilega, þótt sumar þeirra kunni að vera það jafnframt því að vera geishur.

Á neðri myndinni má sjá útlínur Afganistans.