Fyrri aukaspurning:

Hjá hverjum vinnur persónan á myndinni hér að ofan?

***

Aðalspurningar:

1.  Íslendingar nota ekki bókstafinn Z lengur. Á alþjóðlegum málum byrja nöfn tveggja ríkja heimsins á Z. Hvað heita þau? Og já, nefna þarf bæði.

2.  Hvaða alþingismaður hélt á sínum tíma margra klukkutíma ræðu á Alþingi til að tefja fyrir því að Z-an yrði lögð niður í íslensku máli?

3.  Hversu margir voru kosnir á þing fyrir VG í kosningunum 2017?

4.  Hve gömul er Britney Spears? Hér má skeika einu ári.

5.  Hvaða ungi tónlistarmaður kennir sig við fæðutegund?

6.  Hvað hét íslenski fjallgöngumaðurinn sem fórst á fjallinu K2 í upphafi ársins?

7.  Hvað heitir höfuðborg Ástralíu?

8.  Lala, Pó, Tinki Vinkí og ... hver?

9.  Hver skrifaði leikritin Máfinn, Kirsuberjagarðinn og Þrjár systur?

10.  Hver er barnamálaráðherra á Íslandi?

***

Seinni aukaspurning:

Hvaða miklu stórborg má sjá hér úr lofti? Norður snýr upp eins og vaninn er.

***

Svör við aðalspurningum:

1.  Zimbabwe og Zambia.

2.  Sverrir Hermannsson.

3.  Níu. Þeir eru nú sjö en það er önnur saga.

4.  Hún er 39 ára svo rétt er 38-40.

5.  Herra Hnetusmjör.

6.  John Snorri.

7.  Canberra.

8.  Dipsí. Þetta eru Stubbarnir sem kunnugt er.

9.  Chekhov.

10.  Ásmundur Einar.

***

Svör við aukaspurningum:

Á efri myndinni má sjá Dönu Scully, starfsmann FBI í sjónvarpsþáttunum X-Files.

Neðra skjáskotið er loftmynd af París.